ក្រុមហូធី ជាង២០នាក់ស្លាប់ ដោយការវាយប្រហារ ពីអាកាសរបស់ក្រុមហូធី

កម្លាំងទាហានក្រុមហូធី ជាច្រើន បានស្លាប់នៅក្នុងការវាយប្រហារ តាមដែនអាកាស ពីសម្ព័ន្ធមិត្តអារ៉ាប់ដឹកនាំដោយសាឌីអារ៉ាប៊ី នៅក្នុងប្រទេស យ៉េមែន។

ប្រភពព័ត៌មានបានឲ្យដឹងថា ខ្មាន់កាំភ្លើងក្រុមហូធី២៣នាក់បានស្លាប់ នៅក្នុងការវាយប្រហារតាមដែនអាកាស ទាម្លក់គ្រាប់បែកទៅលើទីតាំងហ្វឹកហាត់របស់ក្រុមនេះស្ថិតនៅក្នុងស្រុក Maqbanah ភាគខាងលិចខេត្ត Ta’iz ។

សកម្មភាពយោធា ខាងលើ របស់សាឌីអារ៉ាប៊ីកើតឡើងក្នុងពេលដែលក្រុម ហូធី ឆ្លៀតឧកាស នៃការធ្វេសប្រហែស និងការចាប់អារម្មណ៍ទៅលើកិច្ចពិភាក្សាសន្តិភាព រៀបចំឡើងដោយអង្គការសហប្រជាជាតិ ។

ក្រុមហូធីបានបើកការវាយប្រហារទៅលើទីតាំង កម្លាំង ទាហានរបស់អារ៉ាបដោយកាំភ្លើងធំនិងមីស៊ីល ទៅលើភ្លាមៗនោះ អារ៉ាប់ ក៏បានបើកការវាយប្រហារតបតវិញ ដោយយន្តហោះដម្បាំង ។

ភាពតានតឹងនៅក្នុងទឹកដីយែម៉ែន កាន់តែខ្លាំងឡើង ហើយពលរដ្ឋនៅក្នុងតំបន់បានបង្ហាញក្តីបារម្ភយ៉ាងខ្លាំងខ្លាចសង្គ្រាមវាយប្រហារ រាលដាល់ទៅដល់ខេត្ត ផ្សេងទៀត ក្នុងនោះមានខេត្តHodeidad ជាកន្លែងអង្គការសហប្រជាជាតិកំពុងតែត្រួតពិនិត្យ ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

Close