នាយកុយ និងនាយក្រិន ជួបគ្រោះថ្នាក់ចរាចរណ៍នៅខេត្តត្បូងឃ្មុំ
នាយកុយ និងនាយក្រិន ដែលជាតារាកំប្លែងប្រចាំប្រទេសកម្ពុជា ត្រូវគេរាយការណ៍មកថា បានជួបគ្រោះថ្នាក់ចរាចរណ៍នៅវេលាម៉ោងប្រមាណជិត៦ព្រឹកថ្ងៃទី២០ ខែមករា ឆ្នាំ២០១៩ នេះ នៅលើផ្លូវលេខ ៧៣ ក្នុងភូមិថ្នល់ ឃុំតំបែរ ស្រុកតំបែរ ខេត្តត្បូងឃ្មុំ ដោយរថយន្តបែកកង់ រ៉េទៅបុកដើមឈើ។
ក្នុងគ្រោះថ្នាក់ចរាចរណ៍នោះ បើសេចក្តីរាយការណ៍ថា នាយកុយ ដែលមានឈ្មោះ ជួង ជី បានរបួសកែងដៃស្តាំលក្ខណៈស្រាល ចំណែកអ្នករួមដំណើរឈ្មោះ ទេស សុជន (នាយក្រឹន) រងរបួសបន្តិចបន្តួច។
តាមពិតទៅ រថយន្តរបស់តារាកំប្លែងទាំងពីរ បានបើកបរក្នុងទិសដៅពីខេត្តរតនគរី ទៅក្រុងភ្នំពេញ លុះមកដល់ចំណុចកើតហេតុ ក៏បានបែកកង់រេចង្កូត រួចទៅបុកដើមឈើដោយខ្លួនឯងតែម្តង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។