ការប្រឈមមុខដាក់គ្នារវាងឥណ្ឌានិងប៉ាគីស្ថាននៅតែបន្ត ភាគីទាំងពីរ បានបន្ថែមទាហាននិងអាវុធនៅព្រំដែន
ទំនាក់ទំនងនៅតាមព្រំដែនឥណ្ឌានិងប៉ាគីស្ថាននៅតែបន្តតានតឹង ដដែល ហើយអាចខ្លាំងជាងមុនទៀត ដោយភាគីទាំងពីរ បានបង្កើនវត្តមានកម្លាំងទាហាននិងសព្វាវុធកាន់តែច្រើនឡើងនៅតំបន់ព្រំដែនកាស្មៀរ។
ប៉ាគីស្ថានបាន បង្កើន ចំនួនទាហាន និង សព្វាវុធ ទៅកាន់ព្រំដែនជាប់ប្រទេសឥណ្ឌានៅតំបន់កាស្មៀរ ជាការត្រៀមលក្ខណៈទប់ទល់នឹងសកម្មភាពវាយប្រហារ ពីឥណ្ឌា ។
កាលពីថ្ងៃទី៦ខែមីនា កម្លាំងទាហានឥណ្ឌា បានព្រមានប៉ាគីស្ថាន មិនត្រូវវាយប្រហារសម្តៅទៅលើពលរដ្ឋស្លូតត្រង់រស់នៅតាមបណ្តោយព្រំដែននោះឡើយ ហើយបើប៉ាគីស្ថាននៅតែបន្តសកម្មភាពនោះនឹងមានរឿងអាក្រក់កើតឡើងជាមិនខាន់ឡើយ។
ការព្រមានខាងលើរបស់ឥណ្ឌាបានកើតឡើងក្រោយពេលដែល ប៉ាគីស្ថានបានប្រើប្រាស់ កាំភ្លើងធំ ទំហំ១៥៥មីលី្លម៉ែត្រវាយប្រហារទីតាំងយាមល្បាតរបស់ឥណ្ឌា ក្នុងតំបន់ Nowshera ។
ការបញ្ជូនកម្លាំងទាហានរបស់ប៉ាគីស្ថានកើតឡើងក្រោយពេលដែល ឥណ្ឌាបានបញ្ជូនអាវុធទំនើបៗជាច្រើនមកកាន់ព្រំដែន បង្កក្តីបារម្ភពីការវាប្រហារគ្នាជាទ្រង់ទ្រាយធំ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។