កម្ពុជា ចុះកិច្ចព្រមព្រៀងទិញអគ្គិសនី ២០០មេហ្គាវ៉ាត់បន្ថែមទៀតពីប្រទេសឡាវ
អគ្គិសនីកម្ពុជា កាលពីពេលថ្មីៗនេះ បានសម្រេចចុះហត្ថលេខាជាមួយអគ្គិសនីឡាវ លើកិច្ចព្រមព្រៀងទិញអគ្គិសនី ២០០មេហ្គាវ៉ាត់បន្ថែមទៀតពីប្រទេសឡាវ នៅដើមឆ្នាំ២០២១ខាងមុខ។
តាមអគ្គិសនីកម្ពុជា ការទិញភ្លើងបន្ថែមពីប្រទេសឡាវនេះ គឺ ដើម្បីដោះស្រាយតម្រូវការក្នុងស្រុកដែលមានកំណើនជារៀងរាល់ថ្ងៃ និងកំឡុងពេលដែលកម្ពុជារង់ចាំការបញ្ចប់ការសាងសង់រោងចក្រអគ្គិសនីដើរដោយធ្យូងថ្ម ៧០០មេហ្កាវ៉ាត់នៅក្រុងព្រះសីហនុដែលគ្រោងបញ្ចប់នៅឆ្នាំ២០២៤ និងរោងចក្រដើរដោយពន្លឺព្រះអាទិត្យ ២៤០មេហ្គាវ៉ាត់ ដែលនឹងដាក់ឲ្យដំណើរការជាបន្តបន្ទាប់ចាប់ពីពាក់កណ្តាលឆ្នាំនេះតទៅ។
ជាមួយគ្នានេះ ក្រុមការងាររាជរដ្ឋាភិបាលកំពុងចរចាគម្រោងវារីអគ្គិសនី និងគម្រោងខ្សែបញ្ជូនថ្មីបន្ថែមទៀត ខណៈដែលអគ្គិសនីកម្ពុជាផ្ទាល់បានចរចាបង្កើនការបំពេញបន្ថែមពីប្រទេសថៃ និងវៀតណាមផងដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។