ប្រេងឡើងថ្លៃ១៥០រៀលបន្ថែមទៀត សម្រាប់ពាក់កណ្តាលខែមីនានេះ
សម្រាប់ពាក់កណ្តាលខែមីនានេះ តម្លៃប្រេងដែលត្រូវលក់រាយតាមស្ថានីយ៍នៅប្រទេសកម្ពុជា នឹងហក់ឡើងដល់៣៦៥០រៀលក្នុងមួយលីត្រ ពោលគឺឡើង១៥០រៀលបន្ថែមទៀត បើធៀបនឹងតម្លៃលក់រាយកាលពីដើមខែមីនានេះ។
តាមសេចក្តីជូនដំណឹងរបស់ក្រសួងពាណិជ្ជកម្មថា ផ្អែកតាមតម្លៃមធ្យមប្រេងឥន្ធនៈលើទីផ្សារអន្តរជាតិ ថ្លៃលក់រាយប្រេងឥន្ធនៈពីថ្ងៃទី១៦ ដល់ថ្ងៃទី៣១ ខែមីនា ឆ្នាំ២០១៩ នឹងត្រូវលក់ ៣៨១០រៀលក្នុងមួយលីត្រ សម្រាប់ប្រេងសាំងធម្មតា និង ៣៧១០រៀលក្នុងមួយលីត្រសម្រាប់ប្រេងម៉ាស៊ូត តែដោយមានការរួមចំណែកពីក្រុមហ៊ុនចេកចាយ សម្តេចនាយករដ្ឋមន្រ្តីបានសម្រេចបញ្ចុះតម្លៃលក់រាយប្រេងឥន្ធនៈនៅកម្ពុជាចំនួន៤សេនដុល្លារក្នុងមួយលីត្រ។ ដូច្នេះថ្លៃលក់រាយប្រេងឥន្ធនៈសម្រាប់អនុវត្តចាប់ពីថ្ងៃទី១៦ ដល់ថ្ងៃទី៣១ ខែមីនា ឆ្នាំ២០១៩ នឹងចុះមក ៣៦៥០រៀលក្នុងមួយលីត្រ សម្រាប់ប្រេងសាំងធម្មតា និង ៣៥៥០រៀលក្នុងមួយលីត្រសម្រាប់ប្រេងម៉ាស៊ូត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។