មន្រ្តីសហរដ្ឋអាមេរិក គ្រោងនឹងធ្វើដំណើរទៅកាន់ប្រទេសចិននៅសប្តាហ៍ក្រោយ
អាមេរិកនឹងចិនកំពុងតែខិតខំជម្រុញកិច្ចប្រជុំ ដើម្បីស្វែងរកដំណោះស្រាយបញ្ចប់វិបត្តិ។ នៅពេលនេះសហរដ្ឋអាមេរិក និងចិន បានដំឡើងតម្លៃពន្ធលើគ្នាទៅវិញទៅមកលើលើទំនិញក្នុងទំហំទឹកប្រាក់រាប់ពាន់លានដុល្លារកាលពីឆ្នាំមុន។
សារព័ត៌មានអាមេរិក Wall Street Journal បានដកស្រងសម្តីមន្ត្រីអាមេរិកបញ្ចាក់ថាថា ថា តំណាងពាណិជ្ជកម្មសហរដ្ឋអាមេរិក លោករ៉ូប៊ើត ឡាយធីហ្ស៊ឺ និងរដ្ឋលេខាធិការរតនាគារ លោកស្តេវិន នូឈីន គ្រោងនឹងធ្វើដំណើរទៅកាន់ទីក្រុងប៉េកាំងនាសប្តាហ៍ក្រោយនេះ ដើម្បីជួបជាមួយឧបនាយករដ្ឋមន្រ្តីចិន លោកលាវ ហេ ។
ពួកគេបានរាយការណ៍ផងដែរថា គណៈប្រតិភូចិន ដឹកនាំដោយលោកលាវ ត្រូវបានគេរំពឹងថានឹងបន្តកិច្ចប្រជុំនៅក្នុងទីក្រុងវ៉ាស៊ីងតោននាសប្តាហ៍បន្ទាប់ ដោយមានគោលដៅបិទបញ្ចប់កិច្ចព្រមព្រៀងនៅចុងខែមេសា តែម្តង។
កិច្ចប្រជុំនេះដែរ បានចំណាយពេលយូរជាងការរំពឹងទុកទៅទៀត ដោយក្រុមមន្រ្តីប្រទេសទាំង២ បានធ្វើសេចក្តីអធិប្បាយពិសេសលើការរីកចម្រើនរបស់ពួកគេ។កាលពីមុន កិច្ចពិភាក្សារវាងសហរដ្ឋអាមេរិក និងចិន បានបរាជ័យម្តងរួចទៅហើយដោយគ្មានទទួលបានកិច្ចព្រមព្រៀងណាមួយនោះទេ កាលពីថ្ងៃទី១៥ ខែកុម្ភះកន្លងមក៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។