ក្រុមហ៊ុនសាងសង់ផ្លូវល្បឿនលឿនរបស់ចិន នឹងផ្តល់សម្ភារជួសជុលផ្លូវមួយចំនួនដល់រាជរដ្ឋាភិបាលកម្ពុជា
លោក វ៉ឹង កាង (Weng Gang) អនុប្រធានក្រុមហ៊ុនសាជីវកម្មស្ពាន-ថ្នល់ចិនក្នុងឱកាសដែលសម្ដេចតេជោ បានអនុញ្ញាតឲ្យរូបលោកចូលជួបសម្តែងការគួរសម នៅវិមានសន្តិភាព នាព្រឹកថ្ងៃទី២១មីនានេះ តំណាងក្រុមហ៊ុនសាងសង់ផ្លូវដ៏ធំមួយរបស់ចិនថា នឹងប្រគល់សម្ភារជួសជុសផ្លូវថ្នល់មួយចំនួនដល់រាជរដ្ឋាភិបាលកម្ពុជា។
បើតាមប្រសាសន៍ឯកឧត្តម អ៊ាង សុផល្លែត ជំនួយការសម្ដេចតេជោហ៊ុនសែនបាន ប្រាប់ឱ្យដឹងនៅក្រោយជំនួបនោះថា លោក កាំង បានគោរពថ្លែងអំណរគុណយ៉ាងជ្រាលជ្រៅជាទីបំផុតជូនចំពោះសម្តេចតេជោ ដែលបានគាំទ្រនិងផ្តល់ឱកាសដល់ក្រុមហ៊ុនរបស់លោកបានចូលរួមចំណែកនៃការកសាងហេដ្ឋារចនាសម្ព័ន្ធស្ពានថ្នល់ នៅកម្ពុជាបានរយៈប្រវែងប្រមាណ១ពាន់គីឡូម៉ែត្រមកហើយៗនៅថ្ងៃស្អែកនេះទៀតសោត ក្រុមហ៊ុនរបស់លោកបានទទួលឱកាសសាងសង់ផ្លូវល្បឿនលឿនពីទីក្រុងភ្នំពេញទៅកាន់ទីក្រុងព្រះសីហនុហើយគម្រោងនេះគឺជាគម្រោងធំមួយក្នុងចំណោមគម្រោងទាំងឡាយដែលក្រុមហ៊ុនរបស់លោកធ្លាប់ធ្វើកន្លងមក។
ក្នុងឱកាសនោះ សម្ដេចតេជោមានប្រសាសន៍ថា ជាការពិតណាស់ក្រុមហ៊ុនបានធ្វើការសាងសង់ហេដ្ឋារចនាសម្ព័ន្ធជាង១ពាន់គីឡូម៉ែត្រហើយៗនៅថ្ងៃស្អែកនេះនឹងបន្តពង្រីកការសាងសង់ទៀត គឺការសាងសង់ផ្លូវល្បឿនលឿនពីរាជធានីភ្នំពេញទៅកាន់ជាយក្រុងព្រះសីហនុហើយសម្តេចបានជម្រាបជូនលោកកាងថា អ្វីដែលសម្ដេចចង់បាននោះគឺផ្លូវស្ពាននិងហេដ្ឋារចនាសម្ព័ន្ធដែលជាការចាំបាច់របស់ប្រជាជនកម្ពុជា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។