ប្រជាពលរដ្ឋស្រុកសំពៅលូនត្អូញត្អែរថា គយច្រកភ្នំដីហៅគីឡូ១៣និងសម្តកិច្ចនគរបាលអន្តោប្រវេសន៍ព្រួតគ្នាគាបសុីប្រជាពលរដ្ឋរកស៊ីចឹញ្ចឹមក្រពះ?
បាត់ដំបង ៖ ប្រជាពលរដ្ឋស្រុកសំពៅលូន ខេត្តបាត់ដំបង បានត្អូញត្អែរថា ខណៈរបររកស៊ីឆ្លងដែនរបស់ពួកគាត់មានទ្រង់ទ្រាយតូច និងបានប្រាក់ចំណូលបន្តិចបន្តួចគ្រាន់ទ្រទ្រង់ជីវភាពប្រចាំថ្ងៃនោះ សមត្ថកិច្ចជំនាញនៅច្រកភ្នំដី ក្នុងស្រុកសំពៅលូន មិនត្រឹមតែមិនបង្កលក្ខណៈងាយស្រួលដល់របររកស៊ីរបស់ពួកគាត់នោះទេ តែពួកគេបែរជាប្រើប្រាស់អំណាចគាបយកលុយពីពួកគាត់ទៅវិញ។
ប្រភពដដែលបានបញ្ជាក់ថា អ្នកក្ររកស៊ីខុសច្បាប់បន្តិចបន្តួចមន្ត្រីជំនាញមើលឃើញមិនដែលរំលងនោះទេ តែបើអ្នកមានអំណាចខុសច្បាប់យ៉ាងណា ក៏មន្ត្រីជំនាញធ្វើជាមើលមិនឃើញដែរ។
ប្រជាពលរដ្ឋបានបញ្ជក់ប្រាប់ព័ត៌មានយើងថា នៅពេលពួកគាត់នាំចូលរបស់ប្រើប្រាស់បន្តិចបន្តួចដូចជាទូរទស្សន៍ទូរទឹកកកនិងបន្លែផ្លែឈើបន្តិចបន្តួចក៏ត្រូវបានសមត្តកិច្ចគាបសុីស្រស់តែម្តងស្ទើរដកដង្ហើមមិនរួចពួកគយយកពីពួកគាត់៨មុឺនរៀលទៅ១០មុឺនរៀលមិនតែប៉ុណ្ណោះក៏មានឈ្មោះលិម ឡាង និងឈ្មោះផុនបានដើរទារលុយតាមរថយន្តនិងម៉ូតូរម៉កឫតាមស្ទុងតូចធំដែលពួកឈ្មួញបានអូសតាមរម៉កម៉ូតូយកមកស្ទុបទុកដើម្បីដឹកបន្តរទៅចែកចាយតាមបណ្តាស្រុកខេត្ត និងស្ថាបន័ឯទៀតក៏មកច្របាច់កប្រជាពលរដ្ឋក៏ដូចជាកសិករយកលុយដាក់ហោប៉ៅផងដែល។ ប្រជាពលរដ្ឋសំណូមពរសូមមន្ត្រីពាក់ព័ន្ធសូមមេត្តាធ្វើការត្រួតពិនិត្យចំពោះករណីមន្ត្រីពុករលួយទាំងនេះផង។
យ៉ាងណាក្តីប្រជាពលរដ្ឋបានបញ្ជាក់ថា នៅច្រកភ្នំដី ស្រុកសំពៅលូន ខេត្តបាត់ដំបងអ្នកណាមិនដឹងថាមន្ត្រីគយ និងសមត្ថកិច្ចជំនាញមួយចំនួនទៀត ប្រព្រឹត្តខុសគោលការណ៍ច្បាប់នោះ។
ប្រភពដដែលបានបញ្ជាក់ថាមន្ត្រីមួយចំនួនមិនត្រឹមតែគាបយកលុយពីប្រជាពលរដ្ឋខុសគោការណ៍ច្បាប់នោះទេ តែពួកគេថែមទាំងចេញមុខ និងសហការជាមួយបក្ខពួកគេធ្វើជំនួញខុសច្បាប់តាមបន្ទាត់ព្រំដែនផងដែរ។
ប្រជាពលរដ្ឋស្រុកសំពៅលូន នៃខេត្តបាត់ដំបងបានបញ្ជាក់ថា ឈ្មួញខ្មែរគ្មានអ្វីនាំចេញទៅប្រទេសថៃក្រៅពីផលិតផលកសិកម្មដែលមិនទាន់កែច្នៃដូចជាស្រូវ ពោត ដំឡូងមី ឈើជាដើម តែផ្ទុយទៅវិញឈ្មួញជនជាតិថៃបាននាំចូលប្រទេសកម្ពុជានូវទំនិញស្ទើរគ្រប់ប្រភេទធ្វើអោយមន្ត្រីឈរជើងនៅច្រកភ្នំដីហៅគីឡូលេខ១៣មុខរីកដូចគ្រាប់ជីជាពិសេសនៅសល់តែពីស្តាបន័ផងជិះសេះលែងដៃយ៉ាងត្រជាក់ល្ងឹមគយនិងនគរបាលអន្តោប្រវេស្តិ៏ច្រកភ្នំដីខេត្តបាត់ដំបង?
ពាក់ពន្ធ័និងការចោទប្រកាន់ពីសំណាក់ប្រជាពលរដ្ធនៅស្រុកសំពៅលូនដែលចេញចូលរកសុីខាងលើខ្មែរ៧មករាមិនអាចសុំការបំភ្លឺបានឡើយពីសមត្តកិច្ចនៅតាមច្រកភ្នំដីហៅគីឡូលេខ១៣នៅព្រឹកថ្ងៃទី២៤ខែមិនាឆ្នាំ២០១៩ដោយទូរសព្ឌ័ខលចូលគ្មានអ្នកទទួល៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។