នេប៉ាល់រងការវាយប្រហារដោយព្យុះកំណាច ស្លាប់២៥នាក់
ព្យុះកំណាចមួយបានវាយប្រហារទៅលើប្រទេសនេប៉ាល់បង្កផលប៉ះពាល់យ៉ាងខ្លាំងដល់ការរស់នៅរបស់ពលរដ្ឋ។ ព្យុះកំណាចនោះបណ្តាលឲ្យពលរដ្ឋនេប៉ាល់ ជាង៤០០នាក់ស្លាប់និងរបួស។
សារព័ត៌មានស៊ីនហួបានផ្សាយនៅថ្ងៃទី១ ខែមេសា ឆ្នាំ២០១៩ថា ស្រុកចំនួនពីររបស់នេប៉ាល់ បានរងគ្រោះធ្ងន់ជាងគេ ក្រោយខ្យល់ព្យុះបក់បោកកាលពីរសៀលថ្ងៃទី៣១ ខែមីនា ឆ្នាំ២០១៩ គឺស្រុក Bara និងស្រុក Parsa ។ ខ្យល់ព្យុះកម្លាំងខ្លាំងមួយ បានបក់បោកលើស្រុកចំនួនពីររបស់ប្រទេសនេប៉ាល់ បណ្តាលឲ្យស្លាប់មនុស្សយ៉ាងតិច២៥នាក់ និងជាង៤០០នាក់រងរបួស ។
លោក K.P. Sharma Oli នាយករដ្ឋមន្ត្រីនេប៉ាល់បានថ្លែងរំលែកទុក្ខយ៉ាងក្រៀមច្រំចំពោះក្រុមគ្រួសារជនរងគ្រោះ ក្នុងហេតុការណ៍ដ៏អាក្រក់មួយនេះ ។
មន្ត្រីនេប៉ាល់បញ្ជាក់ថា ខ្យល់ព្យុះកម្លាំងខ្លាំងបក់បោកនៅវេលាម៉ោង៧និង៤៥នាទីយប់ ម៉ោងនៅក្នុងតំបន់ ។ ក្នុងរយៈពេលប្រហែល១ម៉ោងប៉ុណ្ណោះ វាបានបំផ្លិចបំផ្លាញអ្វីគ្រប់យ៉ាង ជាពិសេសបណ្តាលឲ្យស្លាប់មនុស្សសរុប២៣នាក់ និងជាង៤០០នាក់រងរបួស ។
លំនៅឋានជាច្រើនរយខ្នង ទ្រព្យសម្បត្តិសាធារណៈ យាន្តហោះ ។ល។ ត្រូវបានបំផ្លាញដោយខ្យល់ព្យុះនេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។