ស្ពាន២កន្លែងនៅឃុំមេម៉ង់ ត្រូវបើកការដ្ឋានសាងសង់ និងប្រើប្រាស់បណ្តោះអាសន្ន
ខេត្តមណ្ឌលគិរី៖ ដើម្បីឱ្យប្រជាពលរដ្ឋទូទៅ ជាពិសេស ប្រជាពលរដ្ឋរស់នៅចំនួនពីរឃុំ បានធ្វើចរាចរណ៍មានលក្ខណៈងាយស្រួលជាងមុន នាព្រឹកថ្ងៃទី០៩ ខែមេសា ឆ្នាំ២០១៩ ឯកឧត្តម ស្វាយ សំអ៊ាង អភិបាល នៃគណៈអភិបាលខេត្តមណ្ឌលគិរី បានអញ្ជើ្ជញជាអធិបតីភាពក្នុងពិធីបើការដ្ឋានសាងសង់ស្ពានបេតុង១កន្លែង ប្រវែង៦០ម៉ែត្រ ទទឹង៧ម៉ែត្រ និងដាក់ឱ្យប្រើប្រាស់បណ្តុះអាសន្ននូវស្ពានបាឡេ១កន្លែង ឆ្លងកាត់អូរទេ។
ក្នុងពិធីដាក់ឲ្យប្រើប្រាស់បណ្តោះអាសន្ននោះ មានការចូលរួមពីសំណាក់លោក ឡន់ សុធី ប្រធានកងវិស្វកម្មប្រសួងការពារជាតិ លោក លី សាមិ សមាជិកក្រុមប្រឹក្សាខេត្ត ព្រមទាំង លោក លោកស្រី អភិបាលរងខេត្ត ប្រធាន អនុប្រធានមន្ទីរអង្គភាពជុំវិញខេត្ត និងប្រជាពលរដ្ឋទាំងពីរឃុំបានចូលរួមយ៉ាងច្រើនកុះករ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។