ទេសចរជាង៤លាននាក់ចូលរួមកម្សាន្តក្នុងព្រឹត្តិការណ៍សង្រ្កាន្ត និងតាមរមនីយដ្ឋាននានាក្នុងរយៈពេល៣ថ្ងៃ នៃពិធីបុណ្យចូលឆ្នាំខ្មែរ
របាយការណ៍របស់ក្រសួងទេសចរណ៍បានបង្ហាញថា ក្នុងរយៈពេល៣ថ្ងៃ នៃពិធីបុណ្យចូលឆ្នាំប្រពៃណីជាតិខ្មែរ ដែលទើបបញ្ចប់ទៅថ្មីៗនេះ មានបងប្អូនប្រជាពរដ្ឋ និងទេសចរអន្តរជាតិ ចូលរួមកំសាន្តក្នុងព្រឹត្តិការណ៍សង្ក្រាន និងតាមរមនីយដ្ឋានទេសចរណ៍ ប្រមាណ ជាង ៤លាននាក់ ដោយមិនទាន់គិតដល់បងប្អូនប្រជាពលរដ្ឋ ដែលនាំគ្នាកំសាន្តតាមវត្តអារាម សាលារៀន តាមភូមិ ប្រមាណ ជាង៣លាននាក់ទៀតទេ។
ចំនួននេះមាន កើនឡើង ៦៧.០២% ក្នុងនោះ ភ្ញៀវជាតិមានចំនួន ៤.៦៣៩.៣៤១ នាក់ កើនឡើង ៦៦.៤០%, ភ្ញៀវអន្តរជាតិមានចំនួន ៨៣.១២៣ នាក់ កើនឡើង ៩៨.២៧%។
ក្រសួងទេសចរណ៍បានបញ្ជាក់ថា តួលេខខាងលើគឺគ្រាន់តែជាការប៉ាន់ស្មានជំហានដំបូងសម្រាប់គោលដៅទេសចរណ៍សំខាន់ៗ និងតាមទីកន្លែងប្រារព្វព្រឹត្តិការណ៍សង្ក្រាន្តសំខាន់ៗ ដោយមិនទាន់គិតពីចំនួនបងប្អូនប្រជាពលរដ្ឋនៅតាមគោលដៅបន្ទាប់បន្សំនានាដូចជាវត្តអារាម សាលារៀន ភូមិ ឃុំ ស្រុក និងទីប្រជុំជននានា ដែលមានចំនួនមិនតិចជាង ៣ លាននាក់ទេសម្រាប់រយៈពេល ៣ថ្ងៃនេះបន្ថែមពីលើចំនួនខាងលើ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។