ស្នងការនគរបាលខេត្តព្រះសីហនុ ច្រានចោលព័ត៍មានមិនពិត រឿងសង្វៀនមាន់នៅស្រុកស្ទឹងហាវ
ខេត្តព្រះសីហនុ ៖ កាលពីថ្ងៃសៅរ៏ ទី២០ ខែមេសា ឆ្នាំ២០១៩នេះ សារព័ត៍មានឈ្មោះថា ខ្មែរអច្ឆរិយ( Khmer Achariyak ) បានលើកយកមកផ្សាយអំពីរករណី សង្វៀនមាន់ អាប៉ោងនៅស្រុកស្ទឹងហាវ ខេត្តព្រះសីហនុ ហើយបានដាក់ចំណងជងថា “ សង្វៀនមាន់ អាប៉ោងនៅស្រុកស្ទឹងហាវ ខេត្តព្រះសីហនុ បើកបានយ៉ាងរលូនបង្កើតនូវអំពើចោរកម្មសមត្ថកិច្ចធ្វើព្រងើយ គ្មានការបង្រ្កាបឡើយ” ភ្លាមៗនោះ លោកឧត្តមសេនីយ៍ទោ ជួន ណារិទ្ធ បានបញ្ជា អោយលោកវរៈសេនីយ៍ឯក រស់ កី អធិការនគរបាលស្រុកស្ទឹងហាវចុះទៅពិនិត្យដើម្បីបញ្ជាក់ព្រោះថា កន្លងមកកាលពីអំឡុងខែ០៣ សង្វៀនមាន់នេះបានលួចបើកដំណើការ ហើយត្រូវបានសមត្ថកិច្ចចុះបិទជាស្ថាបពរក្រោយពីបើកបានរយះពេលមិនដល់មួយសប្តាហ៏ផង ។
បន្ទាប់ពីចុះទៅត្រួតពិនត្យដល់ទីតាំងរួចរាល់ហើយ លោកអធិការ រស់ ភី បានធ្វើការច្រានចោលនូវព័ត៍មានមិនពិតរបស់ សារពត័ត៍មាន ខ្មែរ អច្ឆរិយៈ ថា “ ខ្ញុំបាទ រស់ ភី អធិការនគរបាលស្រុកស្ទឹងហាវ សូមបញ្ជាក់ជូនគេហទំព័រសារពត៍មានអច្ឆរិយ:ជ្រាបថា ÷ចំពោះសង្វៀនមាន់ដែលមានម្ចាស់ឈ្មោះទ្រីនេះគឺខ្ញុំបានបញ្ជាអោយកម្លាំងចុះទៅបង្រ្កាបនិងបិទ មិនអោយលេងយូរមកហើយ មកដល់ពេលនេះ ខ្ញុំបានឃើញសារពតិ៍មានបង្ហោះរូបភាពនេះ ខ្ញុំក៏បានចុះមកដល់គោលដៅនេះផ្ទាល់តែម្ដង ហើយក៏ពុំឃើញមានគេលេងឬក៏មានសង្វៀនជល់មាន់ដូចការចុះផ្សាយដែរ។
លោកឧត្តមសេនីយ៍ទោ ជួន ណារិទ្ធ ជាថ្មីម្តងទៀតសូមច្រានចោលនូវពត៍មានមិនពិតរបស់សារពត៍មាន ខ្មែរអច្ឆរិយៈនេះ ហើយសូមថ្លែងអំណរគុណរាល់ការផ្តល់ព័ត៍មានពិតក្នុងន័យស្ថាបនា និងសូមអោយរាល់ព័ត៍មានណាមិនផ្លូវការ និងមិនមានមូលដ្ឋានច្បាស់លាស់សូមមេត្តាជួយកែសម្រួល និងកែតម្រូវ ដើម្បីភាពថ្លៃថ្នូរ និងជួយរួមចំណែកអភិវឌ្ឍន៏ប្រទេសជាតិយើងទាំងអស់គ្នា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។