មានជនបរទេស៣១នាក់ស្លាប់ក្នុងការវាយប្រហារនៅស្រីលង្កា
នៅក្នុងសេចក្តីប្រកាសថ្មីបំផុត មន្ត្រីស្រីលង្កាបានប្រកាសឲ្យដឹងថាយ៉ាងហោចណាស់ក៏មានជនបរទេស៣១នាក់ មកពី១២ប្រទេស ស្លាប់នៅក្នុងការវាយប្រហារនៅប្រទេស្រីលង្ការ កាលពីថ្ងៃទី២១ខែមេសាកន្លងមក ។ ក្នុងចំណោមជនបរទេសរង្គ្រោះ មានជនជាតិឥណ្ឌា អង្គគ្លេស និង ដាណឺម៉ាក់...។
មន្ត្រីជាន់ខ្ពស់ ស្រីលង្ការបានឲ្យដឹងថា ជនជាតិអង់គ្លេស៨នាក់ស្លាប់នៅក្នុងហេតុការខាងលើក្នុងនោះមាន មេធាវីនាង Anita Nicholson និងកូនប្រុស ម្នាក់កូនស្រីម្នាក់។ ចំណែកស្វាមីរបស់នាង មានសំណាងរួចផុតពីក្តីស្លាប់ ។
ប៉ូលិសអន្តរជាតិ អាំងទែរប៉ូលបានសម្រេចបញ្ជូនក្រុមពិសេស របស់ខ្លួនទៅកាន់ស្រីលង្ការ ជួយស្រាវជ្រាវ ការវាយប្រហារភេរវកម្ម ជាបន្តបន្ទាប់សម្លាប់មនុស្ស ជិត៣០០នាក់និង ជិត៥០០នាក់រងរបួស ។
អគ្កនាយក ប៉ូលិស អាំងទែរប៉ូល លោក Jurgen Stock បានប្រកាសឲ្យដឹងថា កម្លាំងពិសេសដែលប៉ូលិសអាំងទែរប៉ូល បានបញ្ជូនមក មានក្រុមឯកទេសស្តីពីរំសែវ ត្រូតពិនិត្យសាកសព ប្រឆាំងភេរវកម្ម ... ។លោកStock បានប្រកាសឲ្យដឹងថា នឹងសហការជាមួយកម្លាំង ទាហានស្រីលង្កា បើកការស្រាវជ្រាវ ។
ក្នុងពេលជាមួយគ្នានេះរដ្ឋាភិបាលស្រីលង្កាបានបើកយុទ្ធនាការជាទ្រង់ទ្រាយធំកម្ចាត់ក្រុមភេរវកម្ម ។ គិតដល់រសៀលថ្ងៃទី២២ខែមេសា កម្លាំងសន្តិសុខស្រីលង្ការបានចាប់ខ្លួនជនសង្ស័យ២៤នាក់។ ជាមួយគ្នានេះរដ្ឋាភិបាលបានប្រកាសអាសន្ន ហើយដាក់ពង្រាយកម្លាំងទាហានបន្ថែមជាង១ពាន់នាក់ការពារសន្តិសុខនៅទីក្រុង Colombo៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។