សមត្ថកិច្ចចុះបិទទីតាំង ណេត២៤ម៉ោង នៅភូមិតាភុល សង្កាត់ស្វាយដង្គំ ក្រុងសៀមរាប
ទីតាំងណេត២៤ម៉ោងមួយកន្លែង មានយីហោ 855bet មានទីតាំងស្ថិតនៅភូមិតាភុល សង្កាត់ស្វាយដង្គំ ក្រុងសៀមរាប ត្រូវបានសមត្ថកិច្ចចុះបិទកាលពីវេលាម៉ោងប្រមាណ៩ព្រឹក ថ្ងៃទី២៤ ខែមេសា ឆ្នាំ២០១៩នេះ។
តាមប្រភពខ្លះបានឲ្យដឹងថា នៅក្នុង ទីតាំងនេះ គឺមានបង្កប់ដោយល្បែងភ្នាល់តាមអនឡាញជាច្រើនប្រភេទក្នុងនោះមាន ហ្គេម បៀរ ឡុកឡាក់ រ៉ូឡែត ឆ្នោត ភ្នាល់ចាក់បាល់ បាញ់ត្រី និងហ្គេម បង្វក់ក្មេងផ្សេងៗជាច្រើន។ល។
តែយ៉ាងណាក៏ដោយ លោក នុល ខាន់រ៉ា អនុប្រធានមន្ទីរប្រៃសណីយ៍ និងទូរគមនាគមន៍ ដែលដឹកនាំផ្ទាល់បានឲ្យដឹងថា ការចុះបិទទីតាំងខាងលើនេះ មកពីទីតាំងនេះខុសគោលការណ៍ ៩ចំនុច របស់មន្ទីរ ហើយការចុះបិទនៅព្រឹកមិញនេះ មិនមានការឃាត់ខ្លួនមនុស្សទេ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។