មានរុស្ស៊ី និងចិននៅពីក្រោយ គីម ជុងអ៊ុន មិនខ្លាចប្រឈមមុខជាមួយអាមេរិកឡើយ
រាល់វិបត្តិដែលបង្កឡើងដោយអាមេរិក ហើយពេលមានការលូកដៃពីចិន និងរុស្ស៊ី នោះអាមេរិក មិនអាចធ្វើអ្វីបាននោះឡើយ ជាក់ស្តែងនៅក្នុងប្រទេសស៊ីរី អ៊ីរ៉ង និងវេណេហ្ស៊ុយអេឡា នាពេលនេះផងដែរ។
ពេលនេះមឹកនាំគីមជុអ៊ុន បានទៅដល់រុស្ស៊ីហើយ ដែលជាសារសមខាន់បំផុតផ្ញើទៅកាន់អាមេរិក ថាកូរ៉េខាងជើង នៅមានមហាអំណាចយោធា ពីរ គាំទ្រ គឺចិននិងរុស្ស៊ី ។គ្រាន់តែឈានជើងចុះពីរថភ្លើងពាសដែកភ្លាម លោកគីមជុងអ៊ុន បានប្រកាសថា នឹងមានដំណើរទស្សនកិច្ច លើកទីពីរ ទៅកាន់ទីក្រុងមូស្កូ ក្នុងពេលដ៏ខ្លីខាងមុខ។
នេះជាលើកទីមួយដែល មេដឹកនាំកូរ៉េខាងជើង គីម ជុង អ៊ុន បំពេញទស្សនកិច្ចទៅកាន់រុស្ស៊ី ចាប់តាំងពីឡើងកាន់តំណែងកាលពីចុងឆ្នាំ២០១១ ។ កាលពី៨ឆ្នាំមុខ ឪពុកលោកគីម ជុងអ៊ុន គឺលោក គីម ជុងអ៊ីល ក៏បានបំពេញទស្សនកិច្ច ទៅកាន់រុស្ស៊ីផងដែរ ។
ពិធីទទួលស្វាគមន៍ដំណើរមកដល់បានធ្វើឡើង នៅ ស្ថានីយ ភ្លើង នៅទីក្រុងព្រំដែន Khasan ប្រទេសរុស្ស៊ី នៅថ្ងៃទី២៤ខែមេសា ដើម្បីជួបពិភាក្សាជាមួយមេដឹកនាំរុស្ស៊ី គឺប្រធានាធិបតី ពូទីន។
តាមគម្រោង លោក គីមជុងអ៊ុន និង ពូទីន នឹងជួបពិភាក្សាគ្នានៅថ្ងៃទី២៥ខែមេសា ស្តីពីទំនាក់ទំនងទ្វេភាគី ។ ក្រៅពីនេះរុស្ស៊ី អាចនឹងស្នើឲ្យមានកិច្ចពិភាក្សា ៦ភាគីស្តីពីបរមាណូឡើងវិញ។
ដំណើរទស្សនកិច្ចរបស់គីម ជុងអ៊ុន ធ្វើឡើងក្រោយរយៈពេល២ខែដែលជួបពិភាក្សាជាមួយ លោកត្រាំ ដោយមិនទទួលបានជោគជ័យ។ ក្រុមអ្នកឯកទេសបានលើកឡើងថា ជំនួប ជាលើកតំបូងរវាង លោកគីម និងពូទីន អាចជួយបំបែកភាពជាប់គាំង ក្នុងដំណើររំសាយបរមាណូនៅកូរ៉េខាងជើង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។