JICA គ្រោងជួយសាងសង់ស្ថានីយប្រព្រឹត្តកម្មទឹកស្អាតនៅភាគខាងត្បូងរាជធានីភ្នំពេញ
លោក ឃួង ស្រេង អភិបាលរាជធានីភ្នំពេញបានបញ្ជាក់ថា រដ្ឋបាលរាជធានីភ្នំពេញបានសម្រេចសាងសង់ស្ថានីយប្រព្រឹត្តកម្មទឹកកខ្វក់ទី១ ស្ថិតនៅភាគខាងត្បូងរាជធានីភ្នំពេញ ដោយបានកំណត់យកតំបន់ជើងឯក សម្រាប់សាងសង់ស្ថានីយក្រោមជំនួយឥតសំណង របស់រាជរដ្ឋាភិបាលប្រទេសជប៉ុន តាមរយៈទីភ្នាក់ងារសហប្រតិបត្តិការអន្តរជាតិជប៉ុន JICA។
លោក ឃួង ស្រេង ក៏បានឯកភាពឱ្យមន្ទីរសាធារណការ និងដឹកជញ្ជូនរាជធានីភ្នំពេញ និងមន្ទីរដែនដីនគរូបនីកម្មចុះ បោះបង្គោលព្រំ និងកាយអាចម៍ដីដែលចាក់រំលោភប្រឡាយ យកដីចាក់តាមព្រំប្រឡាយ ដើម្បីទុកឱ្យអង្គការចៃកាទៅតាមតម្រូវការរបស់អង្គការនេះ ត្រូវការការដ្ឋានរបស់ខ្លួន។
គម្រោងសាងសង់ស្ថានីយប្រព្រឹត្តកម្មទឹកស្អាត ជាជំនួយឥតសំណងរបស់ជប៉ុនដែល មានទឹកប្រាក់ប្រមាណ ២៥លានដុល្លារសហរដ្ឋអាមេរិក ជាគម្រោងដែលមិនធ្លាប់មានរបស់ ភាគីជប៉ុន ក្នុងការកសាងប្រឡាយលូនៅក្នុងរាជធានីភ្នំពេញ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។