ប្រធានសាខាគយខេត្តកំពង់ឆ្នាំង ហ៊ាល ទូច បញ្ជារកូនចៅចាប់ឡានដឹកបាកាស់ជម្រិតទារលុយ ៥ពាន់ដុល្លារ ជាថ្នូរនឹងការដោះលែង
លោក ហ៊ាល ទូច ប្រធានសាខាគយនិងរដ្ឋាកខេត្តកំពង់ឆ្នាំង បានបញ្ជាអោយកូនចៅចាប់ឡានដឹកភេសជ្ជៈបាកាស់ជម្រិតទារលុយ ៥០០០ដុល្លារជាថ្នូរនិងការមិនបង្រ្កាប ពេលលោកប្រធានគយរូបនេះដឹកកំណាន់ចិត្តទៅក្រេប...? ដោយទុកអោយកូនចៅជាអ្នកប្រើបច្ចេកទេសជំនាញ សំឡុត គម្រាម បន្លាច បង្កើតអោយយឺតយូរ ខាតពេលវេលា ខកការដឹកជញ្ជូនពីអ្នករកសុី ខកអីវ៉ាន់យកអោយម៉ូយ។ ហើយនៅទីបំផុត….ចុងក្រោយបន្ធូបន្ថយបញ្ចុះតំលៃត្រឹម២០០០ដុល្លារ ក៏អនុញ្ញាតអោយឡានដឹកទំនិញបាកាស់នោះចេញ ពីស្នាក់ការសាខាគយ និងរដ្ឋាករ ខេត្តកំពង់ឆ្នាំង នៅវេលាម៉ោង៧និង៥០នាទីព្រលប់ថ្ងៃទី២៣ ខែមេសា ឆ្នាំ២០១៩ ក្រោយពីចាប់បានចំនួន៥ម៉ោង គឺនៅវេលាម៉ោង២និង៣០នាទីរសៀលដដែល។
ប្រភពពីម្ចាស់ទំនិញបានស្រក់ទឹកភ្នែកឈឺចាប់ និងនិយាយថា៖ មិនគួរណាលោកគយខេត្តកំពង់ឆ្នាំង ធ្វើបាបពួកគាត់ គ្រាន់តែរកសុីបន្តិចបន្តួចគ្រាន់ដោះស្រាយបញ្ហាក្រពះនោះសោះ..? រួចខ្លួន(មេគយ)មិនលើកទូរស័ព្ទដើម្បីស្តាប់ទទួលយកហេតុផល សុខចិត្តអោយកូនចៅឈ្មោះ ណាល់ .ជាអ្នកដើតួរជម្រិត ដោយឡែកខ្លួនឯងជាមេកើយ ដឹកកំណាន់ចិត្តទៅក្រេបទឹកឃ្មុំទៅវិញ។
តាមសម្ដីម្ចាស់ទំនិញបានអោយដឹងថា គយចល័តរបស់លោក ហ៊ាល ទូច ប្រធានសាខាគយ និងរដ្ឋាករ ខេត្តកំពង់ឆ្នាំង បានបញ្ជាអោយកូនចៅចាប់រថយន្តកង់៦ ដឹកភេសជ្ជបាកាស់ ចំនួន១៥០កេស ដែលដឹកហួសទីរួមខេត្តប្រមាណជិត៥គីឡូម៉ែត្រ ដោយគ្រានតែមិនបានប្រាប់ដំណឹងដល់គយ ក៏កើតជាកំហឹងទល់កំហល់ ដេញចាប់អូសយកមកដាក់នៅស្នាក់ការសាខាគយ និងរដ្ឋាករ ខេត្តកំពង់ឆ្នាំង រើអីវ៉ាន់ចេញពីឡាន។
ម្ចាស់ទំនិញអះអាងថា៖ គាត់ដឹកយកមកអោយម៉ូយតាមខេត្តសោះ លោកគយគាត់ប្រើអំណាចបញ្ជាអោយកូនចៅ ដោយលើកហេតុផលថា មិនចូលប្រាប់ មិនចូលបង់លុយ រួចជម្រិតទារ៥០០០ដុល្លារ ចុងក្រោយក៏យល់ព្រមយកត្រឹម២០០០ដុល្លារ បង់អោយតាមរយៈគយឈ្មោះ (ណាល់ ) ទុកអោយ លោក ហ៊ាល ទូច ប្រធានសាខាគយ និងរដ្ឋាករ ខេត្តកំពង់ឆ្នាំង អនុញ្ញាតអោយឡានចេញ នៅវេលាម៉ោង៧និង៥០នាទីព្រលប់ថ្ងៃទី២៣ ខែមេសា ឆ្នាំ២០១៩ បន្ទាប់ពីចាប់នៅម៉ោង២និង៣០នាទីរសៀលថ្ងៃខែដដែលនេះ។
ឈ្មួញខាងលើបាននិយាយថា៖ ក្នុងនាមជាមេគយ និងជាមន្ត្រីរាជការរដ្ឋបាលមុខងារសាធារណៈ លោក ហ៊ាល ទូច មិនគួរសោះយកអំណាច តួនាទី ភារកិច្ច ជាសមត្ថកិច្ចបង្ក្រាបទំនិញគេចពន្ធ ប្រមូលពន្ធជូនរដ្ឋ តែធ្វើការងារខុសគោលដៅ មកចាប់ឡានដឹកទំនិញបន្តិចបន្តួច អោយបង់លុយ ហើយខ្លួនដឹកកំណាន់ចិត្តទៅក្រេបទឹកឃ្មុំ លើគំនរទុក្ខ ទឹកភ្នែកពីប្រជាជនដឹកទំនិញតិចតួចគ្រាន់រកអង្ករច្រកឆ្នាំងនោះ។
ប្រភពបានបញ្ជាក់ថា លោក ហ៊ាល ទូច ប្រធានសាខាគយ និងរដ្ឋាករ ខេត្តកំពង់ឆ្នាំង បានអោយឈ្មួញដឹកទំនិញពីព្រំដែនខេត្តប៉ៃលិន ខេត្តបន្ទាយមានជ័យ ខេត្តបាត់ដំបង ត្រូវបង់លុយក្បាលឡាន ចាប់ពី១០០ដុល្លារ ដល់៣០០ដុល្លារ ឬ៥០០ដុល្លារ ពេលឆ្លងកាត់ខេត្តកំពង់ឆ្នាំង មានឡានកង់១០ និងឡានយីឌុប ជាដើម។ករណីឡានដឹកប្រេងម៉ាសុឺនពីភ្នំពេញ យកទៅចែកចាយតាមខេត្ត ហើយឆ្លងកាត់ខេត្តកំពង់ឆ្នាំងក៏បង់លុយ ថ្នូរនិងការមិនបង្ក្រាប។
ពាក់ពន្ធ័និងការចោទប្រកាន់ខាងលើនេះនៅរសៀលថ្ងៃទី២៤ខែមេសាឆ្នាំ២០១៩ខ្មែរ៧មករាមិនអាចសុំការបំភ្លឺបានឡើយពីលោកហ៊ាល ទូច ប្រធានសាខាគយនិងរដ្ធាករខេត្តកំពង់ឆ្នាំងដោយទូរសព្ឌ័ខលចូលគ្មានអ្នកទទួល៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។