ថៃបាញ់ពលរដ្ឋខ្មែរស្លាប់ម្នាក់ របួសម្នាក់ ក្រោយលួចចូលទៅកាប់ឈើគ្រញូងនៅក្នុងទឹកដីរបស់គេ
ខេត្តពោធិ៍សាត់៖ កម្លាំងប្រដាប់អាវុធថៃ កាលពីរសៀលថ្ងៃទី២៤ ខែមេសា ឆ្នាំ២០១៩ បានផ្ទុះអាវុធ បណ្ដាលឲ្យប្រជាពលរដ្ឋខ្មែរម្នាក់បានស្លាប់ និងម្នាក់ទៀតរងរបួសធ្ងន់ នៅគ្រាដែលជនរងគ្រោះទាំង ២នាក់លួចឆ្លងដែនចូលទឹកដីប្រទេសថៃកាប់ឈើក្រញូង នៅចំណុចទល់មុខច្រក៥៦ ស្ថិតក្នុងភូមិសង្គមថ្មី ឃុំថ្មដា ស្រុកវាលវែង ខេត្តពោធិ៍សាត់។
សមត្ថកិច្ចមូលដ្ឋានថា ជនរងគ្រោះមានឈ្មោះ អាត វិត ភេទប្រុស អាយុ ២៤ឆ្នាំ ជនជាតិខ្មែរ រស់នៅភូមិព្រែក១ ឃុំសំរោង ស្រុកភ្នំក្រវាញ ខេត្តពោធិ៍សាត់ និងជនរងគ្រោះ(ស្លាប់)ឈ្មោះ ម៉ៅ មុំ ភេទប្រុស អាយុ ២៦ឆ្នាំ ជនជាតិខ្មែរ រស់នៅភូមិ.ឃុំជាមួយគ្នា ករណីនេះជនរងគ្រោះសមត្ថកិច្ចប្រទេសថៃបញ្ជូនទៅសង្រ្គោះ ចំណែកជនរងគ្រោះ(ស្លាប់)ក៍នៅប្រទេសថៃនៅឡើយនោះដែរ ហើយពេលនេះសមត្ថកិច្ចកម្ពុជា ថៃកំពុងសហការធ្វើការដើម្បីយកសពវិលត្រឡប់មកធ្វើបុណ្យស្រុកកំណើត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។