អាកាសធាតុក្តៅ! ក្រសួងអប់រំចេញសេចក្តីណែនាំឲ្យផ្លាស់ប្តូរម៉ោងសិក្សារបស់សិស្ស
ដើម្បីបង្ការទប់ស្កាត់ហានិភ័យ និងជៀសវាងជំងឺផ្សេងៗដែលអាចប៉ះពាល់ដល់សុខភាព ការរៀនសូត្រ និងការបំពេញការងាររបស់សិស្សានុសិស្ស លោកគ្រូ អ្នកគ្រូ ជាពិសេសកុមារតូចៗ ខណៈដែលសីតុណ្ហភាពបច្ចុប្បន្ននេះ បានកើនឡើងលើសពី៤០អង្សារ ជាពិសេសនៅចន្លោះពីម៉ោង១០ព្រឹក ដល់ម៉ោង២រសៀលនោះ, ក្រសួងអប់រំបានចេញសេចក្តីណែនាំមួយដល់គ្រប់គ្រឹះស្ថានសិក្សាទាំងអស់ ឲ្យធ្វើការផ្លាស់ប្តូរម៉ោងសិក្សា។
ក្នុងនោះ ពេលព្រឹក គួរចូលរៀននៅម៉ោង ៧:០០ និងចេញនៅម៉ោង ១០:៣០ ចំណែកពេលរសៀល ចូលរៀននៅម៉ោង ១៣:៣០ ចេញនៅម៉ោង ១៧:០០ ។
ក្រសួងអប់រំបញ្ជាក់ថា ការអនុវត្តតាមគោលការណ៍ដែលមានស្រាប់វិញ គឺនឹងធ្វើឡើងនៅពេលផុតរដូវក្តៅ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។