ឯកឧត្តម មាស សុភា ជួបសំណេះសំណាល ជាមួយអ្នកបោះឆ្នោតជ្រើសរើស ក្រុមប្រឹក្សាខេត្ត និងក្រុង-ស្រុកខេត្តព្រះវិហារ
នាព្រឹកថ្ងៃទី១៩ ឧសភា នេះ ឯកឧត្តម មាស សុភា ទេសរដ្ឋមន្រ្តី និងជាប្រធានក្រុមការងារថ្នាក់ជាតិចុះជួយខេត្តព្រះវិហារ អញ្ជើញជាអធិបតីក្នុងពិធីសំណេះសំណាលជាមួយអ្នកបោះឆ្នោតជ្រើសរើស ក្រុមប្រឹក្សាខេត្ត និងក្រុមប្រឹក្សាក្រុង-ស្រុក ដោយមានការអញ្ជើញចូលរួមពីសំណាក់ឯកឧត្តម អ៊ុន ចាន់ដា ប្រធានគណះកម្មាធិការគណបក្សខេត្តព្រះវិហារ ឯកឧត្តម ឡុង សុវណ្ណ អនុប្រធានគណះកម្មាធិការគណបក្សខេត្ត ព្រមជាមួយ ឯកឧត្តម ប្រតិភូអមដំណើរ ឯកឧត្តម ទេសរដ្ឋមន្រ្តី ឯកឧត្តម លោកជំទាវ លោក លោកស្រី ក្នុងជួរគណះអចិន្រ្តៃយ៍ គណៈកម្មាធិការគណបក្សខេត្តព្រះវិហារ លោក លោកស្រី អង្គបោះឆ្នោតជាង ៣០០នាក់ក៏បានអញ្ជេីញចូលរួមផងដែរ។
ឯកឧត្តម ទេសរដ្ឋមន្រ្តី មាស សុភា បានអោយដឹងថា ការបោះឆ្នោតជ្រើសរើសក្រុមប្រឹក្សាខេត្ត និងក្រុមប្រឹក្សាក្រុង-ស្រុក គឺដេីម្បីអនុវត្តលទ្ធិប្រជាធិបតេយ្យនៅព្រះរាជាណាចក្រកម្ពុជារបស់យេីង ឯកឧត្ដមបានបញ្ជាក់ថា កាបោះឆ្នោតនាពេលខាងមុខនេះ ជាការបោះឆ្នោតអសកល ដោយពឹងផ្អែកលេីក្រុមប្រឹក្សាខេត្ត ក្រុងស្រុកទូទាំងប្រទេស៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។