ប្រាយុទ្ធ ចាន់ អូចា ក្លាយជានាយករដ្ឋមន្ត្រី ថៃទី៣០ថៃ ក្រោយការបោះឆ្នោតសភា
កាលពីថ្ងៃទី ៥ខែមិថុនា សភាថៃបានបោះឆ្នោតជ្រើសរើ លោក ប្រាយុទ្ធ ចាន អូចា មកពីគណបក្ស Palang Pracharath ឡើងដឹកនាំប្រទេសថៃ ក្លាយជានាយករដ្ឋមន្ត្រីទី៣០។
ប្រភពបានបន្តថា លោក ប្រាយុទ្ធ ទទួលបានសំឡេង៥០០ ដោយឡែកគូប្រឆាំងរបស់លោក គឺ Thanathorn Juangroongruangkit ទទួលបានសំឡេង២៤៤សំឡេង ។ សមាជិករដ្ឋសភា និងសមាជិកព្រឹទ្ធសភាទាំងពីរស្ថាប័ននេះ រួមគ្នាបោះឆ្នោតជ្រើសរើសនាយករដ្ឋមន្ត្រី ស្របទៅតាមរដ្ឋធម្មនុញ្ញ បន្ទាប់ពីការបោះឆ្នោតសកលត្រូវបានបញ្ចប់ កាលពីថ្ងៃទី២៤ ខែមីនា ឆ្នាំ២០១៩នោះ ។
តាមពិតទៅ គេត្រូវការសំឡេងគាំទ្រតែ៣៧៥សំឡេងប៉ុណ្ណោះ ក្នុងចំណោមសំឡេងសរុប៧៤៨សំឡេង ក្លាយជានាយករដ្ឋមន្ត្រី ។ សមាជិកព្រឹទ្ធសភាថៃទាំង២៥០នាក់ គឺមិនបានឡើងកាន់តំណែងតាមរយៈការបោះឆ្នោតរបស់ប្រជាជននោះទេ ប៉ុន្តែជាការជ្រើសរើសដោយរដ្ឋាភិបាលយោធា ដែលលោកប្រាយុទ្ធ ជានាយករដ្ឋមន្ត្រី បន្ទាប់ពីរដ្ឋប្រហារទម្លាក់រដ្ឋាភិបាលស៊ីវិលស្របច្បាប់លោកស្រីយីងឡាក់ ស៊ីណាវ៉ាត្រា ។
លោកប្រាយុទ្ធ ដែលបានឡើងកាន់អំណាចតាំងពីឆ្នាំ២០១៤ នោះ នៅពេលបន្តទៅមុខទៀតនេះ នឹងដឹកនាំរដ្ឋាភិបាលចម្រុះ ដែលមានគណបក្សសម្ពន្ធមិត្តចំនួន១៩គណបក្ស ចូលរួមជាមួយគណបក្ស Palang Pracharath ។
លោកប្រាយុទ្ធ នឹងបង្កើតគណៈរដ្ឋមន្ត្រីមួយ ដែលមានរដ្ឋមន្ត្រីច្រើនបំផុតចំនួន៣៦រូប៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។