ហុងកុង​មាន​មេដឹកនាំ​ថ្មី ដែលជា​ទំនុកចិត្ត​របស់​ចិនដីគោក​

​អតីត​ស្នងការ​ប៉ូលិស​កោះ​ហុងកុង​លោក John Lee គឺជា​បក្ខ​ភាព​តែមួយគត់ សម្រាប់​ការបោះឆ្នោត ជ្រើសរើស​មេដឹកនាំ​កោះ​ហុងកុង​នៅ​ថ្ងៃទី ៨​ខែឧសភា​នេះ ។​

​ក្រុម​អ្នកបង្កើត​ច្បាប់​ហុងកុង​បាន​ជួ​ប្រជុំគ្នា​នៅ​ថ្ងៃទី ៨​ខែឧសភា ហើយ​បាន​បោះឆ្នោត​ជ្រើសរើស​លោក John Lee ឡើងកាន់តំណែង​ដឹកនាំ​កោះ​ហុងកុង​។ លោក ត្រូវការ​សំឡេងគាំទ្រ​យ៉ាងតិច ៧៥០ សំឡេង​ក្នុងចំណោម សមាជិក​ក្រុម​បង្កើត​ច្បាប់ ១៤៦១​នាក់ ។ លោក John Lee ជា​បេក្ខភាព​តែមួយគត់ ក្នុងការ​បោះឆ្នោត លើក​នេះ​ដោយ​ទទួលបាន​ការគាំទ្រ​រហូត​ដល់​ទៅ ៩៩,៤% ។​

​លោក John Lee ជា​បុគ្គល​តែមួយគត់​ដែល​រដ្ឋាភិបាល​ចិនដីគោក​ជឿទុកចិត្ត ដើម្បី​បន្ត​ដឹកនាំ​កោះ​ហុងកុង​។ ខណៈ​អ្នកនយោបាយ​ជាច្រើន​នៅ​កោះ​ហុងកុង មិន​គ្រប់​លក្ខខណ្ឌ​ដែល​រដ្ឋាភិបាល​ចិនដីគោក​ចង់បាន​។​

​លោក John Lee អាយុ ៦៤​ឆ្នាំមាន​បទពិសោធ​ធ្វើការ​នៅក្នុង​វ័​ស័​យ​ប៉ូលិស ៣៥​ឆ្នាំ ។ នៅ​ឆ្នាំ​២០១២ លោក​ត្រូវបាន​ប្តូរ​មក​ធ្វើការ​នៅក្នុង​ជួរ​ថ្នាក់​ដឹង​ដឹកនាំ​របស់​រដ្ឋា​ភិ​បា​លហុ​ង​កុង ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

Close