កូរ៉េខាងត្បូង​៖ កូរ៉េខាងជើង​ធ្វើ​ព្យុហយាត្រា​យោធា​ក្នុង​ទិវា​ឯករាជ្យ កណ្តាលយប់​

​នៅ​ថ្ងៃទី​៩​ខែកញ្ញា ប្រព័ន្ធ​ផ្សព្វផ្សាយ​កូរ៉េខាងត្បូង​បាន​ផ្សាយ​ថា កូរ៉េខាងជើង បានរៀបចំ​ពិធី​ដង្ហែរ​ក្បួនព្យុហយាត្រា​ទ្រង់ទ្រាយ​ធំ​នៅ​ពាក់​កណ្តាលយប់ អបអរសាទរ​ទិវា​ឯករាជ្យ​ជាតិ​។​

​សារព័ត៌មាន​យ៉ុង​ហាប់ និង Japan times បាន​ផ្សាយ​ថា​ពិធី​ដង្ហែរ​ក្បួនព្យុហយាត្រា​យោធា បានធ្វើ​ឡើង​នៅ​ទីក្រុង​ព្យុង​យ៉ាងនា​ថ្ងៃទី​៩​ខែកញ្ញា ដោយ​ព្រឹត្តិការណ៍​នេះ​ធ្វើឡើង​នៅ​ពាក់​កណ្តាលយប់។ សារព័ត៌មាន NK News នៅ​យប់​ថ្ងៃទី ៨​ខែកញ្ញា បាន​ផ្សាយ​ថា ពលរដ្ឋ​បាន​ជួបជុំគ្នា នៅ​ទីលាន​គីម​អ៊ី​ល​ស៊ុ​ង ក្នុង​ទីក្រុង​ព្យុងយ៉ាង​ត្រៀមលក្ខណ​សម្រាប់​ពិធី​ដង្ហែរ​ក្បួន​។ ផ្លូវ​ថ្នាល់​សំខាន់ៗ​នៅក្នុង​ទីក្រុង​ត្រូវបាន​បិទ​។ តាម​ការសន្និដ្ឋាន​កូរ៉េខាងជើង ដ​ង្ហេ​រ​ក្បួន​នៅវេលា​ម៉ោង​ប្រហែល​១​យប់​ឈានចូល​ថ្ងៃទី ៩​ខែកញ្ញា ។​

​សារព័ត៌មាន​កូរ៉េខាងជើង KCNA បាន​ផ្សាយ​ថា មេដឹកនាំ​គីម​ជុង​អុន​បាន​ចូលរួម​នៅក្នុង​ព្រ​ត្តិ​ការណ៍​ដ៏​សំខាន់​នេះ ប៉ុន្តែ​មិនមាន​ការ​ថ្លែង​សុ​ន្ត​រក​ថា​នៅក្នុង​ពិធី​នោះឡើយ​។ សារព័ត៌មាន KCNA មិនបាន​បង្ហាញ​ពី​អាវុធ​យុទ្ធសាស្ត្រ នៅក្នុង​ពិធី​នោះឡើយ​។​

​កាលពី​សប្តាហ៍​សប្តាហ៍​ក​ន្ល​ង​មក NK News និង 38 north មាន​ឯកទេស​តាមដាន សកម្មភាព​នៅ​កូរ៉េខាងជើង​បាន​បង្ហោះ​រូបភាព​ថត​តាម​ផ្កាយរណប​បង្ហាញ​ឲ្យ​ឃើញថា កូរ៉េខាងជើង​ពិតជា​បាន​ត្រៀមលក្ខណ​ធ្វើ​សមយុទ្ធ​។ នៅក្នុង​ពិធី​ដង្ហែរ​ក្បួនព្យុហយាត្រា មេដឹកនាំ​គីម​ជុង​អ៊ុន បានបង្ហាញ​អាវុធ​ទំនើបៗ ក្នុងនោះ​មាន​មី​ស៊ី​ល​ឆ្លង​ទ្វីប​៕


កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

Close