តើប្រទេសណាដែលមានរ៉ែមាសច្រើនជាងគេនៅក្នុងទ្វីបអាហ្វ្រិក
កន្លងមកទ្វីបអាហ្វ្រិក គឺមានប្រទេសអាហ្វ្រិកខាងត្បូង ជាប្រទេសដែលបានឃួងយករ៉ែមាសច្រើនជាងគេ ប៉ុន្តែ តំណែងលេខមួយពេលនេះមិនស្ថិតនៅប្រទេសអាហ្វ្រិកខាងត្បូងនោះឡើយ គឺប្រទេស ហ្គាណា បានឈរលេខមួយក្នុងតំបន់អាហ្វ្រិកជាប្រទេសមានរ៉ែមាសច្រើនជាងគេ ។
កាលពីឆ្នាំ២០១៩ ប្រទេសហ្គាណា(Ghana) បានឃួងយករ៉ែមាសបានដល់ទៅ ១៤២តោន នាំមុខលើប្រទេសអាហ្វ្រិកខាងត្បូង ក្លាយជាប្រទេសឃួងរ៉ែមាសច្រើនបំផុតលើពិភពលោក។
ប្រទេសនេះស្ថិតនៅឈូងសមុទ្រ Guinea និង មហាសមុទ្រអាត្លងតិច ហ្គាណាជាប្រទេសសម្បូរទៅដោយធុនធានធម្មជាតិ ពិសេសគឺរ៉ែ។ ប្រទេសហ្គាណាមានពលរដ្ឋជាង៣១លាននាក់ ត្រូវបានគេចាត់ទុកថាជាគំរូនៃប្រជាធិបតេយ្យនៅទ្វីបអាហ្វ្រិក ដែលមានស្ថេរភាពនយោបាយ និងមានកំណើនសេដ្ឋកិច្ចខ្ពស់ ។
បើទោះបីមានជំងឺរាតត្បាតកូវីដ ១៩ តែប្រទេសតំបន់អាហ្វ្រិចមួយនេះមានកំណើតសេដ្ឋកិច្ច ១,១% ក្នុងឆ្នាំ២០២០ ខណៈប្រទេសជាច្រើនក្នុងតំបន់មានកំណើតសេដ្ឋកិច្ច ក្រុមសូន្យ។ ការដែលរក្សាសេដ្ឋកិច្ចបានល្អគឺដោយសារទទួលបានជោគជ័យ នៅក្នុងវិស័យ ឃួងយករ៉ែមាស ជាប្រភពចំណូលជាង ៩០%សម្រាប់ប្រទេសហ្គាណា។ ចំណែកវិស័យនាំចេញវិញ នាំមកនៅប្រាក់ចំណូលតែ១០ភាគរយប៉ុណ្ណោះ។
ចាប់តាំងពីសតវត្សរ៍ទី ៥ ជនជាតិ Akan បានទៅតាំងទីលំនៅ នៅក្នុងទឹកដីហ្គាណាបច្ចុប្បន្ន។ប្រភពចំណូលរបស់ពលរដ្ឋនៅទីនោះគឺ ជួញដូរមាស ជាមួយពាណិជ្ជករជនជាតិBerber(ពេលនេះជាជនជាតិអារ៉ាប់)ដោយឆ្លងកាត់វាលខ្យាច់សាហារ៉ា។ ក្រុមជនជាតិ Akan បានបង្កើតអណាចក្រAkan ដ៏រឹងមាំ គ្រប់គ្រងដោយរាជវង្ស Ashanti ដែលស្ថិតស្ថេរដល់បច្ចុប្បន្ន ជាផ្នែកមួយនៃប្រទេសហ្គាណា ។
នៅសតវត្សទី ១៥ ជនជាតិព័រទុយហ្គាល បានឈានជើងចូលដែនដីនោះ ហើយបង្កើតការរកស៊ីជាមួយ ជនជាតិ Akan ។ ដោយនៅទីនោះមានចំនួនមាសយ៉ាងច្រើនទើបគេហៅទីនោះថាជាឆ្នេរសមុទ្រមាស។
នៅឆ្នាំ១៨៧៤ អង់គ្លេសក៏បានធ្វើអណានិគមន៍ ទៅលើប្រទេសហ្គាណា ដោយជីកយករ៉ែមាសនិងការជួញដូរទាសករក៏បានចា់បផ្តើមកើតឡើងនៅទ្វីបអាហ្វ្រិក។ រហូតដល់ឆ្នាំ ១៩៥៧ ប្រទេសឆ្នេរសមុទ្រមាសក៏បានដណើ្តមឯករាជ្យពីប្រទេសអង់គ្លេសហើយដាក់ឈ្មោះទៅជា ហ្គាណា ហើយយកវិស័យឃួងរ៉ែមាស់ជាប្រភពចំណូលសំខាន់របស់ជាតិ។ នៅឆ្នាំ១៩៨៣ សេដ្ឋកិច្ចរបស់ប្រទេសហ្គាណារីកចំរើន វិស័យឧស្សាហកម្មរបស់ប្រទេសនេះជឿនលឿន។ តាមការវាយតម្លៃ ប្រទេសហ្គាណា មានមាស់ប្រមាណ ១០០០ ម៉ែត្រគីប៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។