ក្រសួងបរិស្ថាននឹងរៀបចំវេទិកាយុវជនជជែកពិភាក្សាអំពីបរិស្ថាន ឆ្នាំ២០១៨
ភ្នំពេញ ៖ យោងតាមសេចក្ដីជូនដំណឹងរបស់ក្រសួងបរិស្ថានបានប្រកាសថា ក្រសួងបរិស្ថាននឹងរៀបចំការប្រកួតជ្រេីសរេីសក្រុមយុវជន ជជែកពិភាក្សាអំពីបរិស្ថានឆ្នាំ ២០១៨ សំរាប់និសិត្ស ទូទាំងរាជធានី ខេត្តទាំងអស់ ទាំងគ្រឹះស្ថានអប់រំសាធារណៈ និង ឯកជន ក្នុងគោលបំណងដេីម្បីពង្រឹងសមត្ថភាពរបស់យុវជន ក្នុងការសិក្សាស្រាវជ្រាវតាមបែបវិទ្យាសាស្ត្រក្នុងការការពារប្រធានបទពិភាក្សារបស់ខ្លួន ដែលមានការពាក់ព័ន្ធកិច្ចគាំពារបរិស្ថាន អភិរក្សធនធានធម្មជាតិនឹងជីវៈចម្រុះ ប្រសិទ្ធិភាព និងការសន្សំសំចៃថាមពល និងការអភិវឌ្ឍដោយចីរភាព ដេីម្បីចែករំលែកព័ត៌មាន និងលទ្ធផលនៃការស្រាវជ្រាវឲ្យឆ្លេីយតបនឹងបញ្ហាប្រឈមនានាលេីវិស័យបរិស្ថាន និងជាផ្នែកមួយនៃធាតុចូលក្នុងការកសាងផែនការយុទ្ធសាស្ត្រអភិវឌ្ឍន៍ប្រកបដោយចីរភាព។
ការប្រកួតជជែកពិភាក្សានឹងចាប់ផ្ដេីមពីខែ សីហា រហូតដល់ខែ វិច្ឆិកា ឆ្នាំ២០១៨ ដោយបែងចែកជាបួនដំណាក់កាល គឺវគ្គជម្រុះនិងណែនាំ វគ្គប្រកួតដំបូង វគ្គពាក់កណ្ដាលផ្ដាច់ព្រ័ត្រ និងវគ្គផ្ដាច់ព្រ័ត្រ។
ក្រសួងក៏បានបញ្ជាក់ផងដែរថា និសិត្សសាកលវិទ្យាល័យដែលទទួលបានជ័យលាភីក្នុងវេទិកានេះ ក្រសួងនឹងអាចផ្ដល់ឪកាសជាវាគ្មិនបរិស្ថាន ក្នុងកិច្ចប្រជុំពិភាក្សាដោះស្រាយអំពីបញ្ហាបរិស្ថាននានា និងផ្ដល់ការលេីកទឹកចិត្តការចូលរួមវេទិកាថ្នាក់ជាតិ និងអន្តរជាតិផ្សេងទៀត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។