ចាប់ខ្លួនស្ត្រីវៀតណាមម្នាក់ ដកហូតគ្រឿងញៀន ៧៣កញ្ចប់ និង២៥៨គ្រាប់
ខេត្តឧត្តរមានជ័យ៖ កាលពីរសៀល ថ្ងៃទី០១ ខែមិថុនា ឆ្នាំ២០២១ម្សិលមិញ កម្លាំងនគរបាលជំនាញ បានចុះបង្ក្រាបករណីចែកចាយ និងប្រើប្រាស់គ្រឿងញៀន បានឃាត់ខ្លួនជនសង្ស័យម្នាក់ នៅចំណុចភូមិជាំ ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ។
នគរបាលស្រុកអន្លង់វែង បានឲ្យដឹងថា ជនសង្ស័យខាងលើ ឈ្មោះ លី ងុកង្វៀង ភេទស្រី អាយុ៤៥ឆ្នាំ ជនជាតិវៀតណាម រស់នៅភូមិជាំ ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ។ ចំណែកវត្ថុតាងដកហូតបាន ម្សៅក្រាមពណ៍សថ្លា (ICE)ចំនួន ៧៣កញ្ចប់ (ធំ១កញ្ចប់) ថ្នាំញៀនគ្រាប់ (WY)ចំនួន ២៥៨គ្រាប់ និងប្រាក់រៀលចំនួន ១៥០,០០០រៀល។
បច្ចុប្បន្នជនសង្ស័យ និងវត្ថុតាង ត្រូវបានសមត្ថកិច្ចកសាងសំណុំរឿងបញ្ជូនទៅតុលាការ ដើម្បីចាត់ការតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។