រន្ធត់ណាស់! ទុស្សេដាច់ខ្សែភ្លើង ឆក់បុរសអ្នកលីឥវ៉ាន់ម្នាក់ស្លាប់
នៅវេលាម៉ោងប្រមាណ ៩ព្រឹកថ្ងៃទី១០ ខែសីហា ឆ្នាំ២០២១នេះ មានករណីដាច់ខ្សែភ្លើងតង់ស្យុងខ្ពស់ ស្ថិតនៅចំណុចបណ្តោយផ្លូវលេខ ៣៧១ ក្បែរស្ពានដែកចំការដូង ស្ថិតក្នុងខណ្ឌដង្កោ រាជធានីភ្នំពេញ បណ្តាលឲ្យឆក់បុរសម្នាក់ស្លាប់។
តាមអ្នកឃើញហេតុការណ៍ថា នៅពេលវេលាខាងលើនោះ មានខ្សែភ្លើងតង់ស្យុងខ្ពស់បានដាច់ពីបង្គោល រួចក៏ត្រូវម៉ូតូមួយគ្រឿងឆេះចេញជាអណ្ដាតភ្លេីង ហេីយពេលនោះបុរសម្នាក់ដែលជាកម្មករលេីកឥវ៉ាន់ ក៏បានស្ទុះទៅទាញបំពង់ពន្លត់អគ្គិភ័យមកបាញ់ពន្លត់ ហើយពេលនោះក៏ត្រូវខ្សែកាបដែលនៅមានចរន្តវាត់ឆក់ស្លាប់តែម្ដង។
ក្រោយកើតហេតុ គេបានឃើញខាងអគ្គិសនីកម្ពុជាបានចុះមកដល់ទីតាំងកើតហេតុ ហើយក៏បានធ្វើការផ្តាច់ចរន្តអគ្គិសនីនៅតំបន់នោះជាបណ្តោះអាសន្នដើម្បីធ្វើការត្រួតពិនិត្យ ដោយឡែកពាក់ព័ន្ធនឹងករណីដាច់ខ្សែភ្លើងបណ្តាលឲ្យស្លាប់មនុស្សនេះ សមត្ថកិច្ចនៅមិនទាន់បានបញ្ជាក់នៅឡើយទេ ដោយកំពុងធ្វើការស្រាវជ្រាវ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។