អាមេរិកចាយលុយ ៥លានដុល្លារ រកមុខជនបំផ្ទុះគ្រាប់បែកលើយន្តហោះឆ្នាំ១៩៩៤

សហរដ្ឋអាមេរិក នៅថ្ងៃអង្គារ ប្រកាសផ្តល់ប្រាក់រង្វាន់ចំនួន ៥លានដុល្លារសម្រាប់ព័ត៌មានអំពីការទម្លាក់គ្រាប់បែកពីលើយន្តហោះកាលពីឆ្នាំ ១៩៩៤ នៅប្រទេសប៉ាណាម៉ា ខណៈហេតុការណ៍នេះ គេសង្ស័យថា ជាថ្វីដៃរបស់ក្រុមសកម្មប្រយុទ្ធលីបង់ ហេសបូឡា ដែលបានសម្លាប់មនុស្ស ២១នាក់។

យន្តហោះ Alas Chiricanas (AC 901) បានផ្ទុះនៅកណ្តាលអាកាស បន្ទាប់ពីហោះចេញពីអាកាសយានដ្ឋាននៅខេត្ត Colon នៃឧបទ្វីប Caribbean។ អ្នកជិះទាំងអស់ដែលភាគច្រើនជាសមាជិកនៃសហគមន៍ជ្វីហ្វរបស់ប្រទេសអាមេរិកកណ្តាលត្រូវបានសម្លាប់ រួមទាំងជនជាតិអាមេរិក៣នាក់ផងដែរ។

សេចក្តីថ្លែងការណ៍ដែលចេញផ្សាយដោយក្រសួងការបរទេសអាមេរិក និងស្ថានទូតអាមេរិកប្រចាំប្រទេសប៉ាណាម៉ា បានបញ្ជាក់ថា យោងតាមការិយាល័យនាយកស៊ើបការណ៍ជាតិអាមេរិកបានវាយតម្លៃថា ក្រុមហេសបូឡា គឺជាអ្នកនៅពីក្រោយករណីបំផ្ទុះគ្រាប់បែកនៅលើយន្តហោះ AC 901៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។