រន្ធត់! មនុស្ស៤នាក់ស្លាប់នៅក្នុងរថយន្ត ក្រោយរថយន្តក្រឡាប់ធ្លាក់ប្រឡាយ
កាលពីវេលាម៉ោងប្រមាណ ១និង៣០នាទីរសៀលថ្ងៃទី២២ ខែសីហា ឆ្នាំ២០២១ មានគ្រោះថ្នាក់ដ៏រន្ធត់មួយបានកើតឡើងនៅចំណុចលើផ្លូវអភិវឌ្ឍ ចម្ងាយ២គីឡូម៉ែត្រ ពីខាងលិចភូមិខ្វាវលិច ឃុំស្វាយចេក ស្រុកស្វាយចេក ខេត្តបន្ទាយមានជ័យ ដោយរថយន្តមួយគ្រឿងក្រឡាប់ធ្លាក់ប្រឡាយទឹក បណ្តាលឲ្យលង់ស្លាប់មនុស្សចំនួន៤នាក់ ក្នុងនោះមានក្មេងអាយុ៦ឆ្នាំផង។
ជនរងគ្រោះទាំង៤នាក់ត្រូវសមត្ថកិច្ចបញ្ជាក់អត្តសញ្ញាណថា ៖ ១-ឈ្មោះ គឹម ហេង ភេទប្រុស អាយុ៥៥ឆ្នាំ រស់នៅក្នុងភូមិយាងថ្មី ឃុំគប ស្រុកអូរជ្រៅ ខេត្តបន្ទាយមានជ័យ។ ២-ឈ្មោះ គង់ វណ្ណា ភេទស្រី អាយុ៥៣ឆ្នាំ រស់នៅភូមិ-ឃុំជាមួយគ្នា។ ៣-ឈ្មោះ ហេង រតនា ភេទស្រី អាយុ០៦ឆ្នាំ រស់នៅភូមិ-ឃុំជាមួយគ្នា និង៤-ឈ្មោះ គឹម ធា ភេទស្រី អាយុ៤២ឆ្នាំ រស់នៅភូមិ-ឃុំជាមួយគ្នា។
បើតាមសមត្ថកិច្ចនៅកន្លែងកើតហេតុថា ជនរងគ្រោះទាំង០៤នាក់ ស្រី០៣នាក់ខាងលើនេះ ក្នុងនោះអ្នកបើកបររថយន្តដែលត្រូវគេស្គាល់ថា ជាអ្នកលក់គ្រឿងសំណង់នៅភូមិយាងថ្មី ឃុំកូប ស្រុកអូរជ្រៅ ខេត្តបន្ទាយមានជ័យ ដែលបានបើករថយន្តម៉ាកម៉ាស្តា ពណ៌ស ពាក់ស្លាកលេខ កម្ពុជា MR.SELA ។
តាមប្រភពខ្លះថា នៅមុនពេលកើតហេតុ រថយន្តខាងលើបានធ្វើដំណើរពីទិសខាងកើតទៅលិច លុះពេលមកដល់ចំណុចកើតហេតុដែលជាចំណុចផ្លូវកោងផងនោះ ក៏បានរេចង្កូតធ្លាក់ពីលើផ្លូវ រួចចូលទៅក្នុងទឹកប្រឡាយ ធ្វើឱ្យផ្ងារជើងរថយន្តឡើងទៅលើ បណ្តាលឲ្យស្លា.ប់អ្នកបើកបរ និងអ្នករួមដំណើរសរុបចំនួន៤នាក់ ក្នុងនោះស្រី០៣នាក់ ដែលមានក្មេងស្រីម្នាក់ផងដែរ។
ក្រោយពេលកើតហេតុ ស.ពជនរងគ្រោះទាំង៤នាក់ត្រូវបានកម្លាំងនគរបាលប៉ុស្តិ៍រដ្ឋបាល និងប្រជាពលរដ្ឋជួយស្រង់ស.ពជនរងគ្រោះយកមកដាក់លើគោកវិញ ដើម្បីស្រាវជ្រាវរកសាច់ញាតិជនរងគ្រោះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។