ជិះឡានមកប្លន់យកទូរស័ព្ទ OPPO
នារីម្នាក់បានរងរបួសធ្ងន់ ក្រោយពីជនសង្ស័យចំនួន២នាក់បានជិះរថយន្ត មកកាប់នាងពីក្រោយ រួចប្លន់យកទូរស័ព្ទដៃម៉ាក OPPO ដែលផលិតនៅប្រទេសចិន។
ហេតុការណ៍នេះបានកើតឡើងកាលពីវេលាម៉ោងប្រមាណ១រំលងអធ្រាត្រឈានចូលថ្ងៃទី១៦ ខែកក្កដា ឆ្នាំ២០១៩ ស្ថិតតាមបណ្តោយផ្លូវព្រះស៊ីសុវត្ថិ កែងនិងផ្លូវ៩០ ទល់មុខអតីតក្លឹបទ្រូហ្វេស ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។
តាមប្រភពអ្នកឃេីញហេតុការណ៍ បានប្រាប់ឲ្យដឹងថា មុនពេលកេីតហេតុ គេឃេីញជនរងគ្រោះកំពង់ចុចទូរសព្ទនៅលេីសួនមាត់ទន្លេទល់មុខអតីត(ទ្រូហ្វេស) ស្រាប់តែមានរថយន្តម៉ាកកូរ៉ឡាសេរីឆ្នាំ93 មិនចាំស្លាកលេខ ជិះគ្នា២នាក់ មកឈប់ហេីយសួរនារីរងគ្រោះ ពេលទៅដល់ឃេីញទូរសព្ទនារីរងគ្រោះសេរីទំនេីបម៉ាក OPPO ក៍បានចាប់យកទូរសព្ទនារីរងគ្រោះ តែនាងមិនព្រមឲ្យ ក៏ដកកាំបិតពីចង្កេះកាប់ទៅលេីនារីរងគ្រោះមួយកាំបិតខាងក្រោយលេីត្រគៀក បណ្ដាលមានឈាមហូរស្រោចខ្លួន ភ្លាមនោះជនសង្ស័យទាំង២នាក់ ក៏បេីករថយន្តទៅបាត់ស្រមោល។
ក្រោយពេលកេីតហេតុ នារីរងគ្រោះត្រូវបានអ្នកស្គាល់គ្នាដឹកយកទៅពេទ្យព្រះ តុមាលា (៩៧១) ដេីម្បីព្យាបាលរបួស៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។