កូរ៉េកំពុងសិក្សាពីការសាងសង់ស្ពានអរិយក្សត្រយ៍
ឆ្លើយតបទៅនឹងសំណើររបស់កម្ពុជា ដែលចង់ឲ្យកូរ៉េជួយសាងសង់ស្ពានមិត្តភាពកម្ពុជា-កូរ៉េ ដែលភ្ជាប់ពីជ្រោយចង្វារទៅស្វាយជ្រុំ (អរិយក្សត្រយ៍) នោះ អនុរដ្ឋមន្ត្រីការបរទេសសាធារណរដ្ឋកូរ៉េ បានថ្លែងថា បច្ចុប្បន្នកូរ៉េកំពុងតែសិក្សាពីសំណើនេះ។
គួរបញ្ជាក់ថា ស្ពានស្វាយជ្រុំ (អរិយក្សត្រយ៍) គឺជាគម្រោងមួយរបស់រាជរដ្ឋាភិបាលកម្ពុជា ក្នុងការតភ្ជាប់ប្រព័ន្ធគមនាគមន៍ក្នុងប្រទេស។
គម្រោងនេះ ក៏បានធ្វើឲ្យប្រជាពលរដ្ឋដែលរស់នៅក្នុងតំបន់ស្វាយជ្រុំ នៃខេត្តកណ្តាល ម្ខាងនៃរាជធានីភ្នំពេញសម្តែងការត្រេកអរ ហើយគេកត់សម្គាល់ថា ដីនៅក្នុងតំបន់នោះក៏កំពុងតែមានហាងឆេងផងដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។