ព័ត៌មានជាតិ

កាំកុងត្រូល​ប្រកាស​ហាម​លក់ និង​ចែកចាយ​ផលិតផល​ម្សៅ​ធ្វើ​នំ ពី​ប្រទេស​បារាំង​ដែល​រកឃើញ​មាន​ជាតិពុល​

​ផលិតផល​ម្សៅ​សម្រាប់ធ្វើ​ម្ហូបអាហារ ឬ​នំ (buckwheat flour) ផលិត​នៅ​ប្រទេស​បារាំង ដែលមាន​ម៉ាក​យីហោ Natur’Avenir ត្រូវបាន​អគ្គនាយកដ្ឋាន​កាំកុងត្រូល នៃ​ក្រសួងពាណិជ្ជកម្ម ចេញប្រកាស​ហាមឃាត់​ការលក់ និង​ចែកចាយ ក្រោយពី​គេ​បាន​រកឃើញ​សារធាតុ Tropane alkaloids ដែលមាន​ប្រភពពី​រុក្ខ​ជាតិពុល Datura នៅក្នុង​នោះ​។​

​ក្នុង​សេចក្ដីជូនដំណឹង​បាន​បញ្ជាក់ថា Buckwheat និង​ផលិតផល​ម្សៅ Buckwheat flour ប្រើប្រាស់​ជា​វត្ថុធាតុដើម​សម្រាប់​ផលិត ម្ហូបអាហារ​ដូចជា គុយទាវ មី នំ នំ​បុ័ង ស្រា ស្រា​បៀ និង​ភេសជ្ជៈ​។​ល​។ ការទទួល​ទាន ផលិតផល​ម្ហូបអាហារ​ដែលមាន​ចម្លង​ចូល​សារធាតុ​ខាងលើនេះ នឹង​បណ្តាល​ឲ្យ​ប៉ះពាល់​ដល់​សរីរាង្គ​ថ្លើម ឈាម និង​ប្រ​ព័​ន្ឋ​សរសៃប្រសាទ​។ ក្នុងករណី​ធ្ងន់ធ្ងរ នឹង​បណ្តាលឱ្យមាន​គ្រោះថ្នាក់​ដល់​ជីវិត​។​

​ជុំវិញ​បញ្ហា​នេះ អគ្គនាយកដ្ឋាន​កាំកុងត្រូល​បាននិងកំពុង​ចាត់វិធានការ​រាំងខ្ទប់​មិន​ឲ្យ​នាំចូល​ផលិតផល និង​ផ្តល់ព័ត៌មាន ដល់​ក្រុមហ៊ុន​នាំចូល​អាជីវករ​លក់ដុំ និង​រាយ​នៅលើ​ទីផ្សារ​កម្ពុជា​។ ក្នុងករណី​មាន​នាំចូល និង​ចរាចរ​លើ     ទីផ្សារ​និង​ត្រួតពិនិត្យ​នៅតាម​ទីផ្សារ​ធំ​-​តូច ផ្សារ​ទំនើប ដើម្បី​សម្របសម្រួល និង​មាន​វិធានការ​តាម​នីតិវិធី ប្រសិនបើ​មានការ​ដាក់តាំង​លក់​។​

​ដើម្បី​ទប់ស្កាត់​គ្រោះថ្នាក់ ដែល​អាច​ប៉ះពាល់​ដល់​សុខភាព​ជាយថាហេតុ អគ្គ នាយកដ្ឋាន​កាំកុងត្រូល​សូម​អំពាវនាវ​ដល់​សាធារណ ជន សូមកុំ​ទិញ​ផលិតផល​ដែលមាន​អត្តសញ្ញាណ ដូច បាន​ជំរាបជូន​ខាងលើ និង​សូមជួយ​សហការ​ផ្តល់ ព័ត៌មាន​ដល់​មន្ត្រី​មាន​សមត្ថកិច្ច ក្នុងករណី​បងប្អូន​ប្រជា ពលរដ្ឋ​បាន​ជួបប្រទះ​៕​

\

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

Tags
Show More

Related Articles

2 Comments

  1. I have been absent for a while, but now I remember why I used to love this website. Thanks, I’ll try and check back more frequently. How frequently you update your web site?

  2. Thanks for the sensible critique. Me and my neighbor were just preparing to do some research about this. We got a grab a book from our local library but I think I learned more clear from this post. I’m very glad to see such great information being shared freely out there.

Leave a Reply

Your email address will not be published.

Close