ធនាគារជាតិដកអាជ្ញាប័ណ្ណនាំចេញ-នាំចូលលោហធាតុ និងត្បូងមានតម្លៃពីក្រុមហ៊ុនចំនួន ១០ ដែលគ្មានសកម្មភាព
ធនាគារជាតិនៃកម្ពុជា បានសម្រេចដកហូតអាជ្ញាប័ណ្ណអាជីវកម្មនាំចេញ-នាំចូលលោហធាតុ និងត្បូងមានតម្លៃរបស់ក្រុមហ៊ុនចំនួន ១០ នៅកម្ពុជា ដោយសារក្រុមហ៊ុនទាំងនេះមិនមានសកម្មភាពនាំចេញ-នាំចូលមាស និងត្បូងមានតម្លៃ អស់រយៈពេល ៤ឆ្នាំចុងក្រោយនេះ។
យោងតាមសេចក្តីជូនដំណឹងរបស់ធនាគារជាតិនៃកម្ពុជាដែលបានចេញផ្សាយឲ្យដឹងកាលពីថ្ងៃពុធ បង្ហាញថា ក្រុមហ៊ុនទាំង ១០នេះ ត្រូវបានធនាគារជាតិនៃកម្ពុជាសម្រេចដកអាជ្ញា ប័ណ្ណអាជីវកម្ម ចាប់តាំងពីថ្ងៃទី២៤ ខែមករា ឆ្នាំ២០១៨មកម្លេះ ព្រោះតែមិនមានសកម្មភាព រកស៊ី នាំចេញ នាំចូលមាស និងត្បូងមានតម្លៃ ទៅតាមគម្រោងអាជីវកម្ម ។
យោងតាមតួលេខពីក្រសួងពាណិជ្ជកម្មបានឲ្យដឹងថា ប្រទេសកម្ពុជា បាននាំចេញត្បូងពេជ្រសល់ពីការកែច្នៃ មានតម្លៃទឹប្រាក់ប្រមាណ ៨,៤៣លានដុល្លារអាមេរិក នៅឆ្នាំ២០១៧ បានកើនឡើង ៦៧,១៤ភាគរយ បើធៀបកាលពីឆ្នាំ២០១៦កន្លងទៅ។ តួលេខដដែលនេះបង្ហាញទៀតថា ក្រៅពីការនាំចេញត្បូងពេជ្រមានតម្លៃទៅកាន់ទីផ្សារក្រៅប្រទេសកម្ពុជា ក៏បាននាំចូលត្បូងពេជ្រមិនទាន់កែច្នៃមកវិញដែរ ក្នុងតម្លៃទឹកប្រាក់ប្រមាណ ១៦,៥១លានដុល្លារអាម៉េរិក បានកើនឡើង ៥,៣៣ភាគរយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។