ភាពយន្ត​ខ្មែរ​រឿង ខ្មោច​ស៊ីឈ្នួល សម្ភោ​ធ​ត្រៀម​ចាក់​បញ្ចាំង​

​ភាពយន្ត​ខ្មែរ​ថ្មី​មួយទៀត​មាន​ចំនងជើង​ថា ខ្មោច​ស៊ីឈ្នួល បាន​សម្ភោ​ធ​ត្រៀម​ចាក់​បញ្ចាំង នៅតាម​បណ្តា​រោងភាពយន្ត​ក្នុងពេល​ខាងមុខនេះ ដោយមាន​តារា​សិល្បៈ​ជាច្រើន​បាន​ចូលរួម​។

​ភាពយន្ត​ថ្មី​ខ្មោច​ស៊ីឈ្នួល​នេះ និយាយ​ពី​បុរស​អាថ៌កំបាំង​បីនាក់​បាន​ដើរ​ឆ្លងកាត់​ភូមិ​ចម្លែក​មួយ​ដែលមាន​ឈ្មោះថា ភូមិ​ព្រៃ​សោ​ង​ហោង​។ នៅ​ទីនោះ​អ្នកភូមិ​ត្រូវបាន​ខ្មោចលង ហើយ​ក៏មាន​ពួកចោរ​ធ្វើ​ទុក​បុក​ម្នេញ​ពួកគេ​ផងដែរ​។ បុរស​ទាំង​បីនាក់​ព្យាយាម​ជួយ​ដល់​អ្នកភូមិ​ទាំងនោះ តែ​ជាការ​តម​ស្នង​មកវិញ ពួកគេ​បែរជា​ត្រូវ​ចោទប្រកាន់​បុរស​ទាំងបី​នាក់​នោះ​ថា​ជា​អ្នកបង្ក​បញ្ហា ដែល​កើតមាន​ក្នុងភូមិ ហើយនឹង​ត្រូវ​ទទួលទោស​ដល់​ស្លាប់​ទៀតផង​។​

​តំណាង​ម្ចាស់​ផលិតភាព​យន្ត បាន​បញ្ជាក់ថា ភាពយន្ត​នេះ នឹង​ទទួលបាន​ការគាំទ្រ​ពី​សំណាក់​ទស្សនិកជន​ច្រើនជាង​មុន ដោយ​ភាពយន្ត​នេះ បាន​សំរិត​យកតែ​ចំនុច​ពិសេសៗ​មក​បង្ហាញ និង​មិន​ធ្វើ​ឲ្យ​ទស្សនិកជន​ខកបំណង​ឡើង​។

​ភាពយន្ត​រឿង ខ្មោច​ស៊ីឈ្នួល នឹង​ចាក់​បញ្ចាំង​នៅតាម​បណ្តា​រោងភាពយន្ត ចាប់ពី​ថ្ងៃទី​១៨ ខែមករា ឆ្នាំ​២០១៨​នេះ​តទៅ​៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

Tags
Close