ស្ងាត់មួយរយៈ នីកូ លេចមុខនៅផលិតកម្មហង្សមាស
លោក នីកូ ដែលជាតារាចម្រៀងមួយរូបទទួលបានការចាប់អារម្មណ៍តាំងពីផលិតកម្ម M និង Sunday ព្រមទាំងបានបង្ហាញខ្លួនជាតារាចម្រៀងនិពន្ធដោយខ្លួននៅក្រៅផលិតកម្ម។ ថ្មីនេះលោកបានបញ្ចេញបទថ្មីមានចំណងជើងថា “ថ្ងៃបែកគ្នា”។ អ្វីដែលកាន់តែប្លែកគឺតារាចម្រៀងរូបនេះ បានបញ្ចេញបទថ្មីនេះ នៅក្នុងផលិតកម្មហង្សមាស យ៉ាងពិរោះរណ្តំធ្វើអោយទស្សនិកជនភ្ញាក់ផ្អើលមិនស្ទើរផងដែរ។
ទោះជាយ៉ាងណាមកដល់ពេលនេះ ពុំមានការបញ្ចាក់ណាមួយពីតារាចម្រៀងរូបនេះឡើយ ដោយគ្រាន់តែមានការបញ្ចេញបទចម្រៀងថ្មី អមជាមួយពាក្យប៉ុន្មានឃ្លានៅក្នុងគេហទំហ័ររបស់ខ្លួន និងបណ្តាញសង្គមរបស់ផលិតកម្មហង្សមាសប៉ុណ្ណោះ។
គួររំលឹកដែរថា បទចម្រៀងរបស់លោក នីកូ មានចំណងជើងថា លាក់បាំង បានក្លាយជាបទចម្រៀងថ្មីមុនពេលបទចម្រៀងថ្មី ថ្ងៃបែកគ្នារបស់លោកបានចេញ និងក្លាយជាបទចម្រៀងដែលមានប្រជាប្រិយភាព បន្ទាប់ពីលោក នីកូ បានជ្រើសរើសយកដៃគូចាស់មកសហការណ៍ នោះគឺកញ្ញា ពេជ្រ សូលីកាផងដែរ។
មិនតែប៉ុណ្ណោះ អ្នកគាំទ្រជាច្រើន ក៏ចង់ឃើញដៃគូរបស់តារារូបនេះក្លាយជាតារាចម្រៀង និងចាប់ដៃគូសម្តែងរួមគ្នានៅក្នុងផលិតកម្មហង្សមាសថែមទៀត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។