Wayne Rooney មិនអាចជួយ Everton បាននៅ Old Trafford

ការប្រកួតបាល់ទាត់ក្នុងក្របខណ្ឌ English Premier League (EPL) កាលពីយប់មិញរវាងក្រុម Manchester United និង​​​ Everton កីឡាករ Rooney ត្រឹម​ទទួលលទ្ធផល​ខក​ចិត្ត​បន្ទាប់​ពី​ Everton ត្រូវ​ Manchester United ដែល​ជា​អតីត​ក្លឹប​របស់​គេ​យក​ឈ្នះ​ដោយ​លទ្ធផល​ ៤-០។

នេះជាលេីកដំបូងដែល Rooney បាន​ត្រឡប់​ទៅ​កាន់​ទឹកដី​ Old Trafford វិញ​​ចាប់​តាំង​ពី​ផ្ទេរ​ទៅ​កាន់​ Everton កាល​ពី​រដូវ​ក្ដៅ​។​ ការប្រកួតនេះ ក្រុម​​លោក​ Jose Mourinho ធ្វេីបានសំរេចចំនួន៤គ្រាប់ ដែលរក​បាន​គ្រាប់​ដំបូងនាទីទី៤ដោយ​ Valencia ហើយ​ ៣​គ្រាប់​បន្តបន្ទាប់​សុទ្ធ​តែ​កើត​ឡើង​នៅ​ចុង​ម៉ោង​ទាំង​អស់​គឺ​ស៊ុត​ដោយ​ Mkhitaryan នៅ​នាទី​៨៣, Lukaku នាទី​៨៩ និង​ Martial នៅ​នាទី​៩០+២ ដែល​ជា​ការ​ទាត់​បាល់​ពិន័យ​១១​ម៉ែត្រ។

សូមបញ្ជាក់ថា ក្រុម Manchester United មាន១៣ពិន្ទុដូចក្រុម Manchester City ដែរសំរាប់ប្រាំប្រកួតកន្លងមក តែក្រុមនេះឈរក្នុងលំដាប់ទីពីរក្នុងក្របខណ្ឌលីគកំពូលរបស់អង់គ្លេស ចំនែកក្រុម Everton វិញ ប្រាំប្រកួតកន្លងមកមាន ៤ពិន្ទុឈរលេខរៀងទី១៨៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

Tags
Close