ពលរដ្ឋរិះគន់ប្រធានមន្ទីរធម្មការខេត្តសៀមរាបថា លាក់បាំងរឿងលុយចំណូលពីហិបបូជា
ទើបតែមានរឿងកក្រើកពីរឿងដែលមានជនខិលខូចមកវាយកំទេច លោកយាយទេព ថ្មីនេះដែរ ប្រធានមន្ទីរធម្មការ និងសាសនាខេត្តសៀមរាប ត្រូវបានពលរដ្ឋ ក៏ដូចជាពុទ្ធបរិស័ទ្ធរិះគន់ថា បានលាក់បាំងរឿងលុយចំណូលបានមកពីការបូជា និងឧបត្ថម ពីសប្បុរសជនទីជិតឆ្ងាយ ចូលកន្លែងលោកយាយទេព និងកន្លែងព្រះអង្គចេកព្រះអង្គចម លើលុយរាប់លានរៀលក្នុង១ឆ្នាំៗ។
ប្រជាពលរដ្ឋ ក៏ដូចជាពុទ្ធបរិស័ទ្ធនិយាយថា បច្ចុប្បន្នហិបបូជា ត្រូវបានគេដាក់នៅកន្លែងលោកយាយទេព និងព្រះអង្គចេកព្រះអង្គចម ដោយមួយថ្ងៃៗមានមនុស្សមិនតិចទេដែលបានដាក់លុយចូលទៅក្នុងហិបនោះ ។ បើតាមអ្នកមើលការខុសត្រូវនៅកន្លែងតាំងរូបសំណាកនិយាយថា ពួកគាត់មានគ្នាចំនួន៦នាក់ ហើយក្នុងមួយខែគឺខាងធម្មការចំណាយប្រាក់ខែឲ្យពួកគាត់ចំនួន៦០ម៉ឺនរៀល ដោយសល់ពីនោះគឺគេប្រមូលយកទៅអស់ដើម្បីបង់ថ្លៃទឹកថ្លៃភ្លើង តែពួកគាត់មិនដឹងថា ក្នុងមួយខែមានលុយប៉ុន្នានពីហិបនោះទេ។
ទាំងនេះធ្វើឲ្យប្រជាពលរដ្ឋ និងពុទ្ធបរិស័ទ្ធមានការងឿងឆ្ងល់ ព្រោះថា គេមិនដែលឃើញខាងមន្ទីរធម្មការកសាងអីសោះ ដោយពួកគាត់សង្ស័យថា លុយទាំងអស់អាចនឹងចូលទៅក្នុងហោប៉ៅមន្ត្រីនៅមន្ទីរធម្មការជាមិនខាន។
ចំពោះករណីនេះ យើងបានព្យាយាមស្វែងរកការបំភ្លឺពីលោក វណ្ណ ប៊ុន ណា ប្រធានមន្ទីរធម្មការ និងសាសនាខេត្ត សៀមរាប ប៉ុន្តែមិនអាចទំនាក់ទំនងបាន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។