បច្ចេកវិទ្យា

កម្ពុជាមាននិស្សិត IT ច្រើន តែមិនសូវមានអ្នកចាប់ជំនាញនេះ

​បើទោះជា​ការពិត​គ្រប់​ក្រុមហ៊ុន​ត្រូវការ​មនុស្ស​ដែល​អាច​ដោះស្រាយបាន​ជាមួយ​កុំព្យូទ័រ​ក្តី ក៏ប៉ុន្តែ​មាន​សិស្ស​និស្សិត​តិចតួច​បំផុត​ដែល​បានជ្រើសរើស​ការសិក្សា​ផ្នែក IT​។​

ហេតុផល​មួយ​ដែល​សំខាន់បំផុត ហេតុអ្វី​បានជា​សិស្ស​ជាច្រើន​ពុំ​ជ្រើសរើស​ការសិក្សា​ផ្នែក IT ព្រោះ​ពួកគេ​គ្មាន​អារម្មណ៍​ជឿជាក់ ធ្វើ​ឲ្យ​ពួកគេ​មាន​ភាពភ័យខ្លាច​ក្នុងការ​សាកល្បង​និង​យល់ដឹង បើទោះជា​ពួកគេ​ចូលចិត្ត​កុំព្យូទ័រ​ក៏ដោយ​។​

​ការសិក្សា​អំពី​កុំព្យូទ័រ​ហាក់​បើ​ដូចជា​ប្រធានបទ​ដ៏​ស្មុគស្មាញ​មួយ មនុស្ស​ជួនកាល​ភ្ជាប់​កុំព្យូទ័រ​ជាមួយ magic trick ប៉ុន្តែ​ការពិត​កុំព្យូទ័រ​ពិតជា​ងាយស្រួល​ក្នុងការ​ប្រើប្រាស់​ជាង​អ្វីដែល​ពួកគេ​គិត​។ សិស្ស​តែងតែ​ផ្សារភ្ជាប់​វិទ្យាសាស្ត្រ​កុំព្យូទ័រ​ជាមួយ​គណិតវិទ្យា​ហើយ​ពិតណាស់​អ្នក​ចាំបាច់​ត្រូវធ្វើ​វា​យ៉ាង​ហ្មត់ចត់​និង​ផ្តោតទៅលើ code​។​

​អ្នក​អាច​ចេះ​សរសេរ​កូដ ទោះជា​អ្នក​មិន​ពូកែ​ជាមួយ​គណិតវិទ្យា​។  ជំហាន​ដំបូង ត្រូវ​ប្រាប់​ទៅកាន់​សិស្ស​អំពី​អ្វីដែល​អាចធ្វើ​ទៅ​បាន​ក្នុង​វិស័យ IT ព្រមទាំង​លើកទឹកចិត្ត​ឲ្យ​ពួកគេ​ព្យាយាម​។ ការពិត​នៃ​ការបង្រៀន IT គឺជា​ការបង្រៀន​អំពី​របៀប​នៃ​ការបង្កើត​អ្វីមួយ​។ តាមរយៈ​វិធីសាស្ត្រ​នេះ​សិស្សានុសិស្ស​នឹងមាន​អារម្មណ៍​ថា​ពួកគេ​មាន​ទំនុកចិត្ត​នៅពេលដែល​រៀន​អំពី IT​។ ពួកគេ​ដឹងថា ពួកគេ​អាច​យកគំនិត​មួយ​និង​ធ្វើ​វា​ឲ្យ​ក្លាយជា​ការពិត​។ ការបង្រៀន​ព័ត៌មានវិទ្យា​វា​គឺ​ដូចជា​ការបង្រៀន​ពី​របៀប​ក្នុងការ​ដោះស្រាយ​បញ្ហា​។ វា​មាន​សារប្រយោជន៍​ច្រើនណាស់​មិន​ត្រឹមតែ​នៅក្នុង​ការងារ​ប៉ុន្តែ​សំរាប់​ជីវិត​ប្រចាំថ្ងៃ​ផងដែរ​។​

​ឱកាស​ការងារ​ថ្មី​ត្រូវបាន​ផ្សព្វផ្សាយ​ជា​រៀងរាល់ថ្ងៃ​យោងទៅតាម​វេ​ប​សាយ​មួយ​ក្នុងចំណោម​វេ​ប​សាយ​ព័ត៌មាន​ការងារ​ល្បីៗ​ដូចជា “Everjobs.com.kh”​។ ភាគច្រើន​នៃ​ការងារ​ដែល​បាន​ស្វែងរក​គឺ IT និង​គ្រូបង្រៀន​។​

​ហេតុអ្វី​បានជា​ការអប់រំ​ព័ត៌មានវិទ្យា​ជា​គន្លឹះ​នៃ​ភាពជោគជ័យ ក្នុងការ​អភិវឌ្ឍន៍​សេដ្ឋកិច្ច​របស់​ប្រជាជន​កម្ពុជា​?  ក្រុមហ៊ុន​កម្ពុជា​កំពុង​ជួប​ការលំបាក​ក្នុងការ​ស្វែងរក​អ្នកសរសេរ​កម្មវិធី អ្នក​រចនា​វេ​ប​សាយ និង​អ្នកឯកទេស​ផ្នែក​ព័ត៌មានវិទ្យា​ផ្សេងៗ​ទៀត​។ ហេតុអ្វី​? តើ​យើង​អាច​ដោះស្រាយ​បញ្ហា​នេះ​ដោយ​របៀប​ណា​?  សេដ្ឋកិច្ច​នៃ​ប្រទេស​កម្ពុជា​បាន​រីកលូតលាស់​យ៉ាង​ឆាប់រហ័ស GDP របស់​ប្រទេស​កើន​ដល់ 7% នៅក្នុង​ឆ្នាំ 2016 និង​ក្នុង​ឆ្នាំ​2017 គួរតែ​បន្ត​ការកើនឡើង​ទៀត​។ នៅក្នុង​បរិបទ​នេះ​ក្រុមហ៊ុន​ជាច្រើន​ត្រូវការ​កម្លាំង​ពលកម្ម ប៉ុន្តែ​មិនមែន​គ្រប់​ប្រភេទ​នៃ​កម្លាំង​ពលកម្ម​នោះទេ ពួកគេ​ត្រូវការ​មនុស្ស​ដែលមាន​ជំនាញ​និង​ការបណ្ដុះបណ្ដាល អាចយ​ល់ពី​បច្ចេកវិទ្យា​ដែល​ថ្មី​ដើម្បី​គាំទ្រ​ការអភិវឌ្ឍន៍​ដើម្បី​ទទួលបាន​ជោគជ័យ​។ ពួកគេ​ត្រូវការ​មនុស្ស​ដើម្បី​បង្កើត​គេហទំព័រ applications និង​ច្រើន​ជាងនេះទៀត​។​

​បច្ចុប្បន្ន​មាន​កង្វះខាត​អ្នក​រចនា​វិ​ប​សាយ និង​អ្នកសរសេរ​កម្មវិធី​។ យុវជន​ជាច្រើន​ពុំទាន់​ដឹងថា​ពួកគេ​អាចបង្កើត​ជីវភាព​រស់នៅ​ជាមួយនឹង​ប្រភេទ​នៃ​ជំនាញ​បែបនេះ​។

​ឱកាស​ការងារ​ថ្មីៗ​កើតមាន​ជា​រៀងរាល់ថ្ងៃ​ទាំង​ក្រុមហ៊ុន​ក្រៅ​ស្រុក​និង​ក្នុងស្រុក​ជាច្រើន​។ ក្រុមហ៊ុន​ទាំងនោះ​ផ្តល់នូវ​ការប្រកួតប្រជែង​លើ​ប្រាក់​បៀរ​វត្ត​ន៏​ពីព្រោះ​ពួកគេ​ដឹង​ច្បាស់​ពី​គុណ​តម្លៃ​របស់​អ្នកជំនាញ​ខាង​កុំព្យូទ័រ​។ នេះហើយ​ជា​មូល​ហេតុដែល​ការបង្រៀន​ជំនាញ IT ទៅកាន់​មនុស្ស​ជំនាន់​ក្រោយ​មានការ​កើតឡើង​ជាបន្ទាន់​។​

​សេដ្ឋកិច្ចកម្ពុជា​នឹង​ទទួលបាន​ផល​ប្រ​យោ​ជ​ន៏​ជាច្រើន​ពី​អ្នកជំនាញ​ការងារ IT ក៏ដូចជា​ការអភិវឌ្ឍ​ន៍​ប្រទេស​។ យើង​អាច​មើលឃើញ​ឧ​ទា​ហរ​ណ៏​ប្រទេស​ជាច្រើន​ដូចជា សិង្ហ​បុរី​ឬ​កូរ៉េ​ដែល​បាន​ជ្រើស​យក​ផ្នែក​មួយ​នៃ​ការអភិវឌ្ឍន៍​បច្ចេកវិទ្យា​ដើម្បី​ដំណើរការ​អភិវឌ្ឍ​ប្រទេស​ឲ្យ​ជឿនលឿន​។ នេះ​ជា​មូល​ហេតុដែល​ការសិក្សា​ផ្នែក IT ពិត​ជាមាន​សារៈសំខាន់​ខ្លាំងណាស់​។  ដោយ​កញ្ញា Carla Sab IT Academy STEP Cambodia www.cambodia.itstep.org itstepcambodia។

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

Tags
Show More

Related Articles

3 Comments

  1. I got what you intend, appreciate it for putting up.Woh I am pleased to find this website through google. “It is a very hard undertaking to seek to please everybody.” by Publilius Syrus.

  2. I’ll right away grasp your rss as I can not find your e-mail subscription link or e-newsletter service. Do you’ve any? Please let me recognise so that I could subscribe. Thanks.

  3. Wow! This could be one particular of the most beneficial blogs We’ve ever arrive across on this subject. Basically Excellent. I’m also an expert in this topic so I can understand your effort.

Leave a Reply

Your email address will not be published.

Close