ឃាត់ខ្លួនជនជាតិចិន ៦នាក់ ដកហូតកាំភ្លើង២ដើម នៅក្រុងព្រះសីហនុ
ខេត្តព្រះសីហនុ៖ កម្លាំងនគបាលក្រុងព្រះសីហនុ កាលពីយប់ ថ្ងៃទី៦ ខែតុលា ឆ្នាំ២០២០ បានឃាត់ខ្លួនជនជាតិចិនចំនួន ៦នាក់ និងដកហូតកាំភ្លើងខ្លីមួយដើម នៅក្នុងរថយន្ត ខណៈដែលគណៈបញ្ជាការឯកភាពក្រុងព្រះសីហនុ ចុះឆែកឆេរ អាវុធជាតិផ្ទុះតាមផ្លូវសាធារណៈ ត្រង់ចំណុចម្តុំផ្សារពាណិជ្ជកម្ម ក្នុងសង្កាត់លេខ២ ក្រុងព្រះសីហនុ ខេត្តព្រះសីហនុ។
លោក គង់ សោភា អភិបាលរងក្រុងព្រះសីហនុ បានអោយដឹងថា ក្នុងប្រតិបត្តិការឆែកឆេរអាវុធជាតិផ្ទុះ សមត្ថកិច្ចបានឃាត់រថយន្ត និងម៉ូតូជាច្រើនគ្រឿង ក្នុងនោះមានរថយន្តមួយគ្រឿងម៉ាក អាល់ផាត់ ពណ៌ខ្មៅ ពាក់ស្លាកលេខ ភ្នំពេញ 2BE-0032 បើកបរដោយបុរសជនជាតិចិនម្នាក់ ជិះគ្នា៦នាក់ (ស្រី៣នាក់) និងដកហូតបាន កាំភ្លើងខ្លីមួយដើម ម៉ាក G-Lock 19 Gen5 មាន បង់កាំភ្លើងចំនួន២ និងក្នុងមួយបង់ដាក់ បានគ្រាប់ ចំនួន១៥ពេញ សរុប ២បង់មានចំនួន៣០គ្រាប់ និងគ្រឿងញៀន១កញ្ចប់តូចផងដែរ។
បច្ចុប្បន្នជនសង្ស័យទាំង ៦នាក់ (ស្រី៣នាក់) និងវត្ថុតាង ត្រូវបានអធិកាដ្ឋានក្រុងធ្វើការសាក ដើម្បីកសាងសំណុំរឿងបញ្ជូនទៅសាលាដំបូងខេត្ត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។