លោកជំទាវ មិថុនា ភូថង អភិបាលខេត្តកោះកុងចុះសួរសុខទុក្ខបងប្អូនកម្មករ កម្មការនី រោងចក្រដែលបានដួលសន្លប់
កោះកុង ៖ នៅថ្ងៃពុធ ៧ រោច ខែបឋមាសាឍ ឆ្នាំច សំរឹទ្ធិស័ក ពុទ្ធសករាជ ២៥៦២ ត្រូវនឹងថ្ងៃទី៤ ខែកក្កដា ឆ្នាំ២០១៨នេះ លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានចុះសួរសុខទុក្ខ បងប្អូនកម្មការនីរោងចក្រដែលបានដួលសន្លប់ និងកំពុងសម្រាកព្យាបាលនៅមន្ទីរពេទ្យបង្អែកខេត្តកោះកុង ដោយតំណាងក្រុមហ៊ុនរោងចក្រ យ៉ាសាគិ បានបញ្ជាក់ថា មូលហេតុ កម្មការិនី ១១ នាក់ដួលសន្លប់ ដោយសារកង្ហា ក្នុងរោងចក្រខូចខ្សែពាន ហើយភាយក្លិនឈ្ងៀមពីខ្សែពាន។
លោកជំទាវ សូមអោយប្អូនៗទាំងអស់ខិតខំថែរក្សាសុខភាព អោយបានល្អ និងឆាប់បានជាសះស្បើយ ព្រមទាំងស្តាប់តាមការណែនាំរបស់គ្រូពេទ្យផងដែរ និងឆាប់បានត្រឡប់ទៅផ្ទះវិញ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។