២ខែ ដើមឆ្នាំនេះ កម្ពុជា រកចំណូលបានជិត ៥លានដុល្លារ ពីកំពង់ផែស្វយ័តភ្នំពេញ
ភ្នំពេញ៖ គិតត្រឹមរយៈពេល២ខែ ដើមឆ្នាំ២០២១នេះ កំពុងផែស្វយ័តភ្នំពេញ ទទួលចំណូលបានប្រមាណ ៤,៩៧លានដុល្លារអាមេរិក បានធ្លាក់ចុះប្រមាណ ៦,២២ភាគរយ បើប្រៀបធៀបនឹងរយៈពេលដូចគ្នា កាលពីឆ្នាំមុន។
បើតាមរបាយការណ៍ បានបញ្ជាក់ថា ការធ្លាក់ចុះនៃប្រាក់ចំណូលរបស់កំពង់ផែស្វយ័តភ្នំពេញ ក្នុងរយៈពេល២ខែ ឆ្នាំនេះ ដោយសារការរាតត្បាតជាសកលនៃជំងឺកូវីដ១៩។
របាយការណ៍ដដែលនេះ បានឲ្យដឹងទៀតថា ការដឹកជញ្ជូនទំនិញឆ្លងកាត់កំពង់ផែស្វយ័តភ្នំពេញចន្លោះពីខែមករា ដល់ខែកុម្ភៈ ឆ្នាំ ២០២១ មានប្រមាណជាង ៥ម៉ឺន ២ពាន់ ធីអ៊ីយូ បានកើនឡើង ៥,៦២ភាគរយ បើធៀបនឹងរយៈពេលដូចគ្នាកាលពីឆ្នាំ ២០២០ ដែលមានប្រមាណជាង ៤ម៉ឺន ៩ពាន់ធីអ៊ីយូ។
ទំនិញដឹកឆ្លងកាត់កំពង់ផែស្វយ័តភ្នំពេញភាគច្រើន ជាផលិតផលវាយនភណ្ឌកាត់ដេរ សម្លៀកបំពាក់ ស្បែកជើង កាបូបធ្វើដំណើរ គ្រឿងអេឡិចត្រូនិក និងផលិតផលកសិកម្មជាដើម៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។