ជនសង្ស័យនិងជាមុខសញ្ញាជួញដូរនិងប្រើប្រាស់សារធាតុញៀនដោយខុសច្បាប់ម្នាក់ត្រូវបានអាវុធហត្ថខេត្តតាកែវចុះបង្ក្រាប
ខេត្តតាកែវ៖មុខសញ្ញាជូញដូរនិងប្រើប្រាស់សារធាតុញៀនដោយខុសច្បាប់ម្នាក់ត្រូវបានកម្លាំងកងរាជអាវុធហត្ថខេត្តតាកែវចុះបង្ក្រាបបបានជាមួុយនិងវត្ថុតាងយកមកកសាងសំណុំរឿងបញ្ជូនឡើងតុលាការកាលពីថ្ងៃទី០១ ខែសីហា ឆ្នាំ២០១៨។
ជនសង្ស័យជាមុខសញ្ញាជួុញដូរនិងប្រើប្រាស់សារធាតុដោយខុសច្បាប់នេះត្រូវបានកម្លាំងកងរាជអាវុធហត្ថបង្ក្រាបបានកាលពីវេលាម៉ោង១៧និង៣០នាទីថ្ងៃទី៣១ ខែកក្កដា ឆ្នាំ២០១៨ ដោយកម្លាំងការិយាល័យប្រឆាំងបទល្មើសគ្រឿងញៀនកងរាជអាវុធហត្ថខេត្តតាកែវដែលដឹកនាំដោយលោកវរសេនីយ៍ឯក ង៉ែត ចាន់ធី មេបញ្ជាការរងទទួលផែនយុត្តិធម៌ និងដោយមានការសម្របសម្រួលនីតិវិធីពីលោក ជីវ ចាន់តារា ព្រះរាជអាជ្ញាអមសាលាដំបូងខេត្តតាកែវផងដែរ។
ករណីនេះតាមការឲ្យដឹងពីលោកមេបញ្ជាការរងបានប្រាប់ថា កម្លាំងលោកបានចុះបង្ក្រាបមុខសញ្ញាជួញដូរ និងប្រើប្រាស់សារធាតុញៀនដោយខុសច្បាប់មួុយករណីនៅចំណុច ភូមិកណ្តឹងតូច ឃុំកណ្តឹង ស្រុកបាទី ខេត្តតាកែវ និងបានឃាត់ខ្លួនជនសង្ស័យបានមានឈ្មោះ ហោ សុន ភេទប្រុស អាយុ៣៩ឆ្នាំ មុខរបរមិនពិតប្រាកដ រស់នៅភូមិកណ្តឹងធំ ឃុំកណ្តឹង ស្រុកបាទី ខេត្តតាកែវ។ ជាមួុយគ្នានោះកម្លាំងលោកបាន ដកហូតបានវត្ថុតាងមាន ម្សៅក្រាមព័ណ៌សថ្លាចំនួន០២កញ្ចប់ ទម្ងន់ ០,៣០ក្រាម និងទូរស័ព្ទដៃចំនួន០១គ្រឿងផងដែរ។
បច្ចុប្បន្នជនសង្ស័យនិងវត្ថុតាងដែលកម្លាំងកងរាជអាវុធហត្ថខេត្តតាកែវបង្ក្រាបបានោះ ត្រូវបានការិយាល័យជំនាញកសាងសំណុំរឿងបញ្ជូន ទៅសាលាដំបូងខេត្តតាកែវចាត់ការតាមនីតិវិធី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។