ព្រឹកមិញ រថយន្តដឹកកម្មកររ៉េចង្កូតបុកដើមឈើ នៅស្រុកឧដុង្គ របួសមនុស្ស២១នាក់
សមត្ថកិច្ចខេត្តកំពង់ស្ពឺបានឲ្យដឹងថា កាលពីវេលាម៉ោងប្រមាណ៦ព្រឹក ថ្ងៃទី២ ខែមិថុនា នេះ មានករណីគ្រោះថ្នាក់ចរាចរណ៍មួយបានកើតឡើងនៅលើផ្លូវលំ ត្រង់ចំណុចភូមិច្បារច្រុះ ឃុំក្រាំងចេក ស្រុកឧដុង្គ ដោយរថយន្តដឹកកម្មករមួយគ្រឿង បានរ៉េចង្កូតទៅបុកដើមឈើ ។
តាមការបញ្ជាក់ពីកម្លាំងនគរបាលថា ក្រោយទទួលបានព័ត៌មាន ជំនាញបានចុះទៅកាន់គោលដៅនិងបានជួយសង្រ្គោះបន្ទាន់ ក្នុងនោះ កម្មករ កម្មការិនី រងរបួសមានចំនួន ២១នាក់ ស្រី ០៩ នាក់ ក្នុងនោះរបួសធ្ងន់ចំនួន ០៦ នាក់ស្រី កំលាំងនគរបាលកំពុងបន្តជួយជនរងគ្រោះផ្សេងទៀត។
បច្ចុប្បន្នជនរងគ្រោះ បានបញ្ជូនទៅសង្គ្រោះនៅមន្ទីរពេទ្យឯកជន និងមន្ទីរពេទ្យបង្អែកស្រុកឧដុង្គ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។