ទីបំផុតសមត្ថកិច្ចឃាត់ខ្លួនបានជនសង្ស័យ៤នាក់ ពាក់ព័ន្ធករណីដុតផ្ទះសម្លាប់មនុស្ស១គ្រួសារ
យោងតាមសេចក្តីរាយការណ៍បឋមបានឲ្យដឹងថា ក្រោយកើតមានអំពើឃាតកម្មដុតផ្ទះសម្លាប់មួយគ្រួសារ នៅស្រុកចិត្របុរី ខេត្តក្រចេះ កាលពីថ្ងៃទី១២ សីហា ម្សិលមិញ ឥឡូវនេះ សមត្ថកិច្ចបានឈានទៅធ្វើការឃាត់ខ្លួនមនុស្សចំនួន៤ នាក់ ដែលសង្ស័យថា ពាក់ពន្ធ័លើករណីឃាតកម្ម ដោយបន្លំជាករណីឆេះផ្ទះ កាលពីថ្ងៃទី០៩ សីហា នោះហើយ។
ជនសង្ស័យទាំង៤នាក់នោះ ១-ឈ្មោះ ចឹក ណូ ភេទប្រុស អាយុ៥០ឆ្នាំ រស់នៅភូមិប្អៀរ ឃុំថ្មី ស្រុកចិត្របុរី ខេត្តក្រចេះ ២-ឈ្មោះ ម៉ៅ ញ៉ាញ់ ភេទប្រុស អាយុ១៧ឆ្នាំ រស់នៅរាជធានីភ្នំពេញ ជាសន្តិសុខក្រុមហ៊ុនហនុមានមានរឹទ្ធ ។ ៣-ឈ្មោះ ចឹក ម៉ៅ ភេទប្រុស អាយុ៤៦ឆ្នាំ រស់នៅភូមិប្អៀរ ឃុំថ្មី ស្រុកចិត្របុរី ខេត្តក្រចេះ និង ៤-ឈ្មោះ ចឹក លឹមស្រេង ភេទប្រុស អាយុ២០ឆ្នាំ រស់នៅភូមិប្អៀរ ឃុំថ្មី ស្រុកចិត្របុរី ខេត្តក្រចេះ ។
ជនសង្ស័យត្រូវបានសមត្ថកិច្ច នាំទៅសាកសួរនៅស្នងការនគរបាលខេត្ត ដើម្បីបំពេញនីតិវិធី ពាក់ពន្ធ នឹង ករណីឃាតកម្មនោះ ។ ទោះជាយ៉ាងណាសមត្តកិច្ច នៅមិនទាន់បានបញ្ជាក់ពីចម្លើយ ជនសង្ស័យទាំង៤នាក់នោះនៅឡើយទេ ដូច្នោះពាក់ពន្ធករណីឃាតកម្មនោះ នៅមិនទាន់ដឹងពីមូលហេតុពិតប្រាកដដែរ ព្រោះសមត្តកិច្ចកំពុងធ្វើកិច្ចនេះ ។
សូមបញ្ជាក់ថា ចន្លោះម៉ោង២១ ទៅម៉ោង១២យប់ នៅចំណុចកោះប្រឹម ភូមិប្អៀរ ឃុំថ្មី ស្រុកចិត្របុរី ខេត្តក្រចេះ មានករណីឃាតកម្មដុតផ្ទះសម្លាប់មួយគ្រួសារ៤នាក់ឪពុម្តាយ និង កូន ។ ហើយសាកសពមនុស្សទាំង៤នាក់ បានត្រូវភ្លើងឆេះខ្លោចក្នុងគំនរផេះផង់មើលទៅគួឲ្យសោកសង្រេងជាទីបំផុត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។