រថយន្តពន្លត់អគ្គិភ័យចំនួន៤គ្រឿង ត្រូវបាន ស្នងការនគរបាលខេត្តកោះកុង ប្រគល់ជូនទៅតាមស្រុក-ក្រុងចំនួន៤ ……..!
(ខេត្តកោះកុង) ៖ លោក សំ ឃិតវៀន ស្នងការនគរបាលខេត្តកោះកុង ប្រគល់រថយន្តពន្លត់អគ្គិភ័យចំនួន៤គ្រឿង ជូនទៅតាមស្រុក-ក្រុងចំនួន៤ បន្ទាប់ពីសមត្ថកិច្ចជំនាញចំនួន៦០នាក់ បានសិក្សាបច្ចេកទេសនិងទ្រីស្តីចប់រយៈពេល៣ថ្ងៃ ហើយចុះហ្វឹកហាត់ជាក់ស្តែង ក្នុងការជួយអន្តរាគមន៍នៅពេលមានឧប្បវហេតុកើតឡើង។
បើតាមលោក ពេជ្រ វណ្ណៈ ប្រធានការិយាល័យទទួលបន្ទុកផ្នែកអគ្គិភ័យ និងគ្រូបង្វឹកបានប្រាប់អ្នកសារព័ត៌មានឲ្យដឹងថា៖រថយន្តពន្លត់អគ្គិភ័យទាំង៤គ្រឿងនេះ លោកឧត្តមសេនីយ៍ទោ សំ ឃិតវៀន ស្នងការនគរបាលខេត្តកោះកុង ប្រគល់ជូននៅថ្ងៃទី ២១ ខែ កញ្ញា ឆ្នាំ ២០១៨ ហើយត្រូវចែងចែកទៅតាមស្រុកចំនួន៣គ្រឿងនិងក្រុង១គ្រឿង ក្នុងនោះ ស្រុកដែលត្រូវទទួលបានរួមមាន៖ស្រុក មណ្ឌលសីមា,ស្រុកកោះកុង,ស្រុកថ្មបាំងនិងក្រុងខេមរភូមិន្ទ ហើយចំពោះស្រុកផ្សេងៗទៀតទទួលបានអស់ហើយ។
លោកបានបន្តថា៖ចំពោះសមត្ថកិច្ចទាំង៦០នាក់គឺ យើងបានធ្វើការហ្វឹកហាត់ទាំងទ្រីស្តីទាំងអនុវត្តន៏ នៅភាពជាក់ស្តែង ហើយអ្វីដែលសំខាន់គឺសមត្ថកិច្ច ត្រូវយករថយន្តអគ្គិភ័យខាងលើនេះ ទៅអនុវត្តន៍ត្រូវគោលក្នុងការបំពេញកាតព្វកិច្ច ជូនប្រជាពលរដ្ឋនៅពេលពួកគាត់ជួបឧប្បវហេតុណាមួយ ហើយមិនត្រូវយករថយន្តរបស់រដ្ឋ ទៅប្រើប្រាស់បទល្មើសផ្សេងៗឡើយ នាំឲ្យមានបញ្ហាដល់អង្គភាពនិងសង្គមឡេីយ។
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។