ឯកឧត្តមអភិបាលខេត្តតាកែវចុះពិនិត្យនិងបេីកការដ្ធានជួសជុលផ្លូវលំ២ខ្សែ
ព្រឹកថ្ងៃពុធ ៨កើត ខែអស្សុជ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី ១៧ ខែតុលា ឆ្នាំ២០១៨ ឯកឧត្តម អ៊ូច ភា អភិបាលខេត្តតាកែវ រួមជាមួយនឹងលោក មូល វិចិត្រ អភិបាលក្រុងដូនកែវ និងប្រធាន
អនុប្រធានមន្ទីរពាក់ព័ន្ធ បានអញ្ជើញបើកការដ្ឋានជួសជុលផ្លូវលំក្រាលគ្រួសសចំនួន២ខ្សែ ប្រវែងសរុប៥,៧០០ម៉ែត្រ ដែលខ្សែទី០១ មានប្រវែង២,២០០ម៉ែត្រ ទទឹងខ្នងលើ៣.៥ម៉ែត្រ ចាប់ពីផ្លូវជាតិលេខ២ ភូមិព្រៃព្រហ្មដល់ឬស្សី សង្កាត់រកាក្នុង និងខ្សែទី២ មានប្រវែង ៣,៥០០ម៉ែត្រ ទទឹងខ្នងលើ៤ម៉ែត្រ ចាប់ពីស្ពានចុងថ្នល់ដល់ប្រឡាយលេខ២០ សង្កាត់បារាយណ៍ ក្នុងក្រុងដូនកែវ ។
ជាមួយគ្នានេះដែរ ឯកឧត្តម អ៊ូច ភា អភិបាលខេត្ត បានមានប្រសាសន៍ដោយណែនាំទៅដល់អាជ្ញាធរមូលដ្ឋានត្រូវធ្វើការទប់ស្កាត់កុំឲ្យមានឡានប្រភេទធំៗបើកឆ្លងកាត់ចូលផ្លូវលំនេះឡើយ ព្រោះវាអាចបណ្តាលឲ្យផ្លូវឆាប់ខូច ម្យ៉ាងវិញទៀតសូមប្រជាពលរដ្ឋ ក៏ត្រូវតែនាំគ្នាចូលរួមថែរក្សា និងជួសជុលផ្លូវលំនេះនៅពេលមានលក្ខណៈតូចតាច មិនត្រូវទុកឲ្យផ្លូវលំមានសភាពខូចធ្ងន់ធ្ងរនោះ ទើបនាំគ្នាជួសជុលឡើយ វានាំឲ្យខូចបង់ទាំងថវិកាច្រើន និងពេលវេលារបស់បងប្អូនប្រជាពលរដ្ឋផងដែរ ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។