សមត្ថកិច្ចចុះបង្ក្រាបល្បែងសីុសងមួយកន្លែងក្នុងស្រុកឧដុង្គ
កំពង់ស្ពឺ ៖ កាលពីវេលាម៉ោង១៥ និង៣០នាទីនាថ្ងៃទី១៩ ខែតុលា ឆ្នាំ២០១៨ កម្លាំងនៃអធិការដ្ឋាននគរបាលស្រុកឧដុង្គ បានចុះបង្រ្គាបដល់ទីតាំងបើកលេងល្បែងស៊ីសងខុសច្បាប់ (អាប៉ោង)មួយកន្លែង នៅចំណុចព្រៃខាងត្បូងភូមិរមាំងស្លាប់ ចំងាយប្រហែល ៧០០ ម៉ែត្រ ពីឃុំមានជ័យ ស្រុកឧដុង្គ។
ប្រតិបត្តិការចុះដល់ទីកន្លែងដោយផ្ទាល់ខាងលើ សមត្ថកិច្ចឃាត់បានជនសង្ស័យចំនួន៤នាក់ និងមនុស្សមួយចំនួនទៀតរត់យកតែព្រះអាយ៉ូស ក្នុងបទល្មើសជាក់ស្ដែងបើកលេងល្បែងស៊ីខុសច្បាប់។ ជនសង្ស័យទាំង៤នាក់រួមមាន: ១/ឈ្មោះ ចាន់ សុន ភេទប្រុស អាយុ៤១ឆ្នាំ នៅភូមិអន្លង់ភេ ឃុំពាំងល្វា ស្រុកឧដុង្គ ២/ឈ្មោះ សូត្រ ផា ភេទប្រុស អាយុ៤៣ឆ្នាំ នៅភូមិទំពូង ឃុំមានជ័យ ស្រុកឧដុង្គ ៣/ឈ្មោះ ឆេង អាន ភេទប្រុស អាយុ ៥៨ឆ្នាំ នៅភូមិទួលកេស ឃុំក្រាំងចេក ស្រុកឧដុង្គ ៤/ឈ្មោះ រិន្ទ បារាំង ភេទប្រុស អាយុ ៣០ឆ្នាំ នៅភូមិរមាំងស្លាប់ ឃុំមានជ័យ ស្រុកឧដុង្គ។
វត្ថុតាងជាសម្ភារៈដែលដកហូតនៅទីតាំងផ្ទាល់ រួមមាន :
- ម៉ូតូ ម៉ាក ចំរុះ ចំនួន ១៦ គ្រឿង
- អាប៉ោង ចំនួន ០៣ គ្រាប់
- ផ្ទឹលគ្រប ចំនួន ០១ និងសម្ភារៈមួយចំនួនទៀតបច្ចុប្បន្នមុខសញ្ញាជាអ្នកលេងនិងអ្នកបើកទីតាំងល្បែង ភ្នាល់ត្រូវបានឃាត់បញ្ជូនមកកាន់អធិការដ្ឋាននគរបាលស្រុកឧដុង្គ ដេីម្បីកសាងសំណុំរឿងបញ្ជូនទៅស្នងការដ្ឋាននគរបាលខេត្តកំពង់ស្ពឺ ចាត់ការតាមនីតិវិធីច្បាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។