ចិនចាប់ផ្តើមឲ្យមនុស្សសប្បនិម្មិតអានព័ត៌មានប្រចាំថ្ងៃ មើលទៅដូចមនុស្សពិតៗ
ចិន ៖ ទូរទស្សន៍រដ្ឋរបស់ចិន ហ្ស៊ីនហួរ បានចាប់ផ្តើមដំណើរការ ការអានព័ត៌មានដោយមនុស្សសប្បនិម្មិត ឬ អ្នកអានព័ត៌មាន AI ឬ អ្នកអានព័ត៌មានដោយប្រើប្រាស់បញ្ញាខួរក្បាលសប្បនិម្មិត ដោយមានសម្លេងជាភាសាអង់គ្លេសនិងភាសាចិន ថ្មីៗនេះ។
អ្នកអានព័ត៌មាន AI ឈ្មោះ Zhang Zhao បានចាប់ផ្តើមអានព្រឹត្តិការណ៍ព័ត៌មាន តាមរយៈបច្ចេកវិទ្យា AI រួមបញ្ចូលជាមួយសំឡេង ដើម្បីឲ្យដូចជាការអានពិតៗ ដោយក្នុងវីដេអូនេះ អ្នកអានព័ត៌មាន AI បាននាំអារម្មណ៍ប្រិយមិត្តអ្នកទស្សនា ឲ្យទៅចាប់អារម្មណ៍លើមន្ត្រីម្នាក់នៃប្រទេសប៉ាណាម៉ា និងអ្នកជំនួញចិនដ៏ល្បី Jack Ma និយាយអ្វីមួយ។
សារព័ត៌មានហ្ស៊ីនហួរថា ការបង្កើតអ្នកអាន AI នេះជួយកាត់បន្ថយការចំណាយបានមួយកម្រិតធំ ហើយពួកគេម្នាក់ៗអាចធ្វើការបានដល់ ២៤ ម៉ោងក្នុងមួយថ្ងៃ។
យ៉ាងណាក្ដី បច្ចេកវិទ្យានេះនៅមានកម្រិតនៅឡើយ ដោយតាមរយៈវីដេអូឃើញថាការបញ្ចេញទុកមុខនៅមានកម្រិត ហើយអាចស្ដាប់ដឹងថាជាសំឡេងសិប្បនិម្មិត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។