កម្មការិនី ម្នាក់បានស្លាប់ភ្លាមៗបន្ទាប់ពីរ៉ូឡូកិន
ខេត្តបន្ទាយមានជ័យ៖ ស្ត្រីជាកម្មការិនីម្នាក់ ដែរជាអ្នកជួសជុកផ្លូវថ្នល់ បានស្លាប់បាត់បង់ជីវិតភ្លាមៗ បន្ទាប់ពីរ៉ូឡូធ្វើផ្លូវថ្នល់កិន មើលទៅគួរឲ្យ សង្វេគបំផុត ហេតុការណ៍នេះបានកើតឡើងនៅចំណុច ផ្លូវជាតិលេខ៥ ផ្លូវវាងក្រុង សិរីសោភ័ណ ខេត្តបន្ទាយមានជ័យ កាលពីរសៀល ថ្ងៃទី១៤ ខែវិច្ឆិកា ដែរស្ថិតនៅលើផ្លូវសាងសង់ តាមគម្រោងស្តារឡើងវិញ ផ្លូវជាតិលេខ៥ ។
បើតាមការអោយដឹងពីអ្នករួមការងាជាមួយបានអោយដឹងថា បន្ទាប់ពីធ្វើការហត់អស់កំលាំងនារីរង្គ្រោះបានទៅអង្គុយជ្រកម្លប់ នៅមុខកង់រ៉ូឡូ កិនថ្នល់ ដោយនារីរង្គ្រោះឃើញរ៉ូឡូនៅស្ងៀមគ្មានអ្នកបើក ។ ចំណែក អ្នកបើករ៉ូឡូ មកពីបន្ទោរបង់វិញមិនដឹង មានមនុស្សនៅពីមុខរ៉ូឡូទេ ហើយជាចៃដន្យរ៉ូឡូមិនបានពន្លត់ទេ ជាហេតុធ្វើអោយនារីរង្គ្រោះមិនបានដឹងថាករ៉ូឡូទៅមុខ ទើបបណ្តាលឲ្យកិន នាងស្លាប់តែម្តង ។
សមត្ថកិច្ច បានឲ្យដឹងថា ជនរងគ្រោះ មានឈ្មោះ វ៉ាន់ ឈៀក ភេទស្រី អាយុ ៣៨ឆ្នាំ រស់នៅភូមិព្រែករពៅ ឃុំប្ញស្សីក្រោក ស្រុកមង្គលបូរី ជាកម្មការិនី ធ្វើផ្លូវ នៅចំណុច ខាងលើ ។ ជនរងគ្រោះ ត្រូវបានរ៉ូឡូ កិនថ្នល់ កិនស្លាប់ ភ្លាមៗ ខណ:ដែលមេឃក្តៅអ្នកបើករ៉ូឡូឈប់ ទៅបត់ជើងតូច ដោយមិនពន្លត់ ម៉ាស៊ីនរ៉ូឡូ ហើយពេលឃើញ រ៉ូឡូឈប់ស្ងៀម ជនរងគ្រោះ ក៏មកអង្គុយ ជ្រកកម្តៅថ្ងៃ ដោយផ្អែកខ្នង នឹងកង់រ៉ូឡូ លុះពេល អ្នកបើករ៉ូឡូ មកពីបត់ជើងតូចវិញ មិនចាប់អារម្មណ៍ ក៏បើកទៅមុខ កិនជនរងគ្រោះ ស្លាប់តែម្តង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។