អាមេរិក គាំទ្រគោលនយោបាយចិនតែមួយ មិនមានការប្រែប្រួលនោះឡើយ
ប្រធានរដ្ឋសភាអាមេរិក លោកស្រី Nancy Pelosi បានលើកឡើងថា អាមេរិកគាំទ្រគោលយោបាយ«ចិនតែមួយ» ហើយដំណើរទស្សនកិច្ចទៅកាន់កោះតៃវ៉ាន់របស់លោកស្រីគឺមិនមានគោលដៅផ្លាស់ប្តូរគោលនយោបាយនោះឡើយ។
តាមការលើកឡើងរបស់ប្រធានរដ្ឋសភាអាមេរិក លោកស្រី Nancy Pelosi បានលើកឡើងថា គណៈប្រតិភូអាមេរិក ទៅកាន់កោះតៃវ៉ាន់មិនមែនដើម្បីផ្លាស់ប្តូរគោលនយោបាយចិនតែមួយ ដែលទីក្រុងវ៉ាសីនតោនបានព្រមព្រៀង ។ លោកស្រីបញ្ជាក់ថា ការដែលអាមរិកគាំទ្រកោះតៃវ៉ាន់គឺទៅតាមច្បាប់ ទំនាក់ទំនង អាមេរិក-តៃវ៉ាន់។
លោកស្រី Nancy Pelosi បានបញ្ជាក់ទៀតថា មិនមានអ្វីខុសប្រក្រតីនៅក្នុងតំណើទស្សនកិច្ចនោះឡើយ ហើយលោកស្រីទទួលបានការគាំទ្រខ្ពស់ពីថ្នាក់ដឹកនាំកោះតៃវ៉ាន់ ។ អ្នកនយោបាយវ័យ៨២ឆ្នាំបានប្រកាសថា គោលជំហររបស់ចិន នៅក្នុងដំណើរទស្សនកិច្ចនោះ គឺមិនសមហេតុផលនោះឡើយ ដោយចាត់ទុកថាចិនមិនត្រូវ ធ្វើឲ្យកោះតៃវ៉ាន់ឲ្យស្ថិតនៅឯកានោះឡើយ ហើយចិនក៏មិនអាចហាមប្រាមអ្នកណាម្នាក់ទៅកាន់កោះតៃវ៉ាន់នោះដែរ។
ដំណើរទស្សនកិច្ចរបស់លោកស្រី Nancy Pelosi ទៅកាន់កោះតៃវ៉ាន់នាថ្ងៃទី ២-៣ខែសីហា គឺជាដំណើរទស្សនកិច្ចជាន់ខ្ពស់បំផុតរបស់មន្ត្រីអាមេរិកទៅកាន់កោះនេះចាប់តាំងពីឆ្នាំ ១៩៩៧មក។ ដំណើរទស្សនកិច្ចរបស់លោកស្រីទទួលរងការថ្កោលទោសយ៉ាងខ្លាំងពីរដ្ឋាភិបាលចិន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។